ချယ်လ်ဆီးအသင်းကစားသမားများသည် ချန်ပီယံလိဂ်နှင့် FA ဖလားနှစ်မျိုးစလုံးကို ရယူနိုင်ခဲ့ပါက ဆုကြေးပေါင်(၁၁)သန်းအထိ ရရှိမည်ဖြစ်ကြောင်း Daily Mail က ဖော်ပြခဲ့သည်။
ချယ်လ်ဆီးကစားသမားများသည် ချန်ပီယံလိဂ်ဗိုလ်လုပွဲသို့ တက်ရောက်နိုင်ခဲ့သည့်အတွက် ဆုကြေးအဖြစ် ပေါင်(၅)သန်း ရရှိမည်ဖြစ်ပြီး ချန်ပီယံဆုဖလား ရယူနိုင်ခဲ့ပါက ပေါင်(၅)သန်း ထပ်မံရရှိမည်ဖြစ်သည်။
ထို့ပြင် FA ဖလားတွင် ဗိုလ်စွဲခဲ့ပါက ပေါင်(၁)သန်းရရှိမည်ဖြစ်၍ ဖလားနှစ်မျိုးစလုံး ရယူနိုင်ခဲ့ပါက ဆုကြေးပေါင်(၁၁)သန်း ရရှိမည်ဟု Daily Mail က ဖော်ပြခဲ့ခြင်းဖြစ်သည်။
ချယ်လ်ဆီးကစားသမားများအနေဖြင့် ချန်ပီယံလိဂ်ဖလား ရယူနိုင်ခဲ့ပါက တစ်ဦးလျှင် ဆုကြေးပေါင်(၅၀၀၀၀၀)ဝန်းကျင် ရရှိမည် ဖြစ်ကြောင်းလည်း သိရသည်။
မန်စီးတီးအသင်းကလည်း ၎င်းတို့၏ ပထမဆုံးချန်ပီယံလိဂ်အောင်ပွဲအတွက် ကစားသမားများကို မက်လုံးပေးထားပြီး ဆုဖလားရယူနိုင်ခဲ့ပါက ဆုကြေးပေါင်(၁၅) သန်းဝန်းကျင် ချီးမြှင့်မည်ဟု ကတိပြုထားကြောင်း သိရသည်။
