ပြင်သစ်ကလပ်အသင်းကြီး ပီအက်စ်ဂျီသည် မန်ယူခံစစ်မှူး မက်ဂွိုင်းယားအတွက် ပြောင်းရွှေ့ကြေးပေါင်သန်း ၅၀ ပေး၍ ခေါ်ယူရန်ရှိနေကြောင်း ဆန်းသတင်းစာက ဖော်ပြသည်။ ပီအက်စ်ဂျီသည် ဇန်နဝါရီအပြောင်းအရွှေ့ကာလကတည်းက မက်ဂွိုင်းယားအတွက် ကမ်းလှမ်းမှုပြလုပ်ခဲ့ခြင်းဖြစ်ကြောင်း အချိန်မမီ၍ အပြောင်းအရွှေ့မှာ အပြီးမသတ်နိုင်ခဲ့ခြင်းဖြစ်ကြောင်း ဆန်းသတင်းစာက ထုတ်ဖော်ရေးသားသည်။
မက်ဂွိုင်းယားသည် မန်ယူတွင် တစ်ပတ်လျှင်လုပ်ခပေါင် ၂၀၀,၀၀ ရရှိနေပြီး ကာတာပိုင်ရှင်များ၏ ကျောထောက်နောက်ခံရှိသော ပီအက်စ်ဂျီအသင်းအတွက် ထိုပမာဏလစာသည် မည်သို့မျှ ပြဿနာမရှိကြောင်းလည်း သတင်းများကဆက်လက်ဖော်ပြသည်။
မက်ဂွိုင်းယားသည် မန်ယူတွင် ကစာချုပ်သက်တမ်း ၂ နှစ်ကျန်ရှိနေသော်လည်း အသင်းတွင် နေရာမရဖြစ်နေသောကြောင့် အိုးထရက်ဖို့ကို စွန့်ခွာရန် ဆုံးဖြတ်သွားနိုင်သည်။ အသင်းခေါင်းဆောင်အဖြစ် ဆက်လက်ရပ်တည်နေသော်လည်း မန်ယူကစားသည့် ပရီးမီးယားလိဂ် နောက်ဆုံး ၈ ပွဲတွင် တစ်ပွဲသာ ပွဲထွက်ခွင့်ရရှိထားသည်။ မက်ဂွိုင်းယားသည် နယူးကာဆယ်နှင့် ကစားသည့် ကာရာဘောင်ဖလားဗိုလ်လုပွဲတွင် ၂ မိနစ်သာ ပါဝင်ကစားခွင့်ရရှိခဲ့သည်။
အင်္ဂလန်အသင်းမန်နေဂျာဆောက်ဂိတ်ကမူ မက်ဂွိုင်းယားကို အမာခံခံစစ်မှူးအဖြစ် ဆက်လက်အသုံးပြုနေပြီး မတ်လ ၂၃ ရက်နေ့တွင် ကစားမည့် အင်္ဂလန်အသင်း၏ ယူရို ၂၀၂၄ ခြေစစ်ပွဲတွင် ပွဲထွက်ကစားသမားအဖြစ် ပါဝင်ဖွယ်ရှိသည်။
အသက် ၃၆ နှစ်အရွယ်ရှိ စပိန်ခံစစ်မှူး ရာမို့စ်ကို အသုံးပြုနေရသော ပီအက်စ်ဂျီနည်းပြချုပ် ဂေါ်လ်တီယာအတွက် ခံစစ်ကို အားဖြည့်ရန်မှာ အရေးကြီးနေကြောင်း သတင်းများက သုံးသပ်ဖော်ပြသည်။
