ဂျူဗင်တပ်စ်အသင်းမှ ကစားသမား(၃)ဦးဖြစ်သည့် ဒီဘားလား၊ အာသာနှင့် မက်ကန်နီးတို့သည် ကိုရိုနာဗိုင်းရပ်စ်စည်းမျဉ်းကိုချိုးဖောက်၍ ပါတီပွဲ ဆင်နွှဲခဲ့သည့်အတွက် တူရင်ရဲတပ်ဖွဲ့၏ ဒဏ်ငွေချမှတ်ခြင်းခံခဲ့ရကြောင်း သိရသည်။
၎င်းတို့ (၃)ဦးသည် မတ်လ (၃၁)ရက်(ဗုဒ္ဓဟူးနေ့) ဒေသစံတော်ချိန် ည (၁၁း၃၀)နာရီတွင် တူရင်မြို့ရှိ မက်ကန်နီး၏ နေအိမ်၌ ပါတီပွဲပြုလုပ်ခဲ့ခြင်းဖြစ်ပြီး အဆိုပါ ပါတီပွဲကို လူ(၁၂)နီးပါး တက်ရောက်ခဲ့ကြောင်း သိရသည်။
လက်ရှိတွင် အီတလီနိုင်ငံ၌ ကိုရိုနာဗိုင်းရပ်စ်ကပ်ဘေးကြောင့် ည (၁၀)နာရီမှ နံနက် (၅)နာရီအတွင်း အပြင်မထွက်ရ အမိန့်ထုတ်ထားသလို၊ ပါတီပွဲပြုလုပ်ခြင်းများကို တားမြစ်ထားသည်။
ထို့ကြောင့် မက်ကန်နီး၏ နေအိမ်တွင် ပါတီပွဲ ပြုလုပ်ခဲ့ခြင်းကို အိမ်နီးချင်းများက ရဲတပ်ဖွဲ့ထံ ဖုန်းဆက်တိုင်ကြားခဲ့ခြင်းဖြစ်ပြီး ရဲတပ်ဖွဲ့က ၎င်းတို့ကို အရေးယူခဲ့ခြင်းဖြစ်ကြောင်း သိရသည်။
ကိုရိုနာဗိုင်းရပ်စ်စည်းမျဉ်းကို ချိုးဖောက်ကာ ပါတီပွဲတက်ခဲ့သည့် ဒီဘားလားက တောင်းပန်စကားဆိုခဲ့ပြီး ဂျူဗင်တပ်စ်အသင်းက ၎င်းတို့ (၃)ဦးကို ဒဏ်ငွေချမှတ်ဖွယ်ရှိနေကြောင်းလည်း သိရှိရသည်။
