၂၀၂၂ ကမ္ဘာ့ဖလားချန်ပီယံ အာဂျင်တီးနားအသင်းသည် ဆုကြေး ဒေါ်လာ ၄၂ သန်း ဆွတ်ခူးရရှိခဲ့ကြောင်း သိရသည်။
ကမ္ဘာ့ဘောလုံးအဖွဲ့ချုပ်(FIFA)သည် ယခုနှစ် ကမ္ဘာ့ဖလားပြိုင်ပွဲအတွက် ဆုကြေး ကို ၂၀၁၈ ပြိုင်ပွဲထက် ၁၀ ရာခိုင်နှုန်းတိုးမြှင့်ထားပြီး စုစုပေါင်း ဒေါ်လာသန်း ၄၄၀ ကို ခွဲဝေပေးအပ်မည်ဖြစ်သည်။
FIFA သည် ခြေစစ်ပွဲအောင်မြင်သည့် အသင်းအားလုံးကို ပြိုင်ပွဲမတိုင်မီကတည်းက ဒေါ်လာ ၁ ဒသမ ၅ သန်းစီ ပေးအပ်ထားပြီး အုပ်စုအဆင့်မှ ထွက်ရသည့် ၁၆ သင်းအား ဒေါ်လာကိုးသန်းစီ၊ ၁၆ သင်းအဆင့်မှထွက်ရသည့် ရှစ်သင်းအား ဒေါ်လာ ၁၃ သန်းစီ၊ ကွာတားဖိုင်နယ်မှ ထွက်ရသည့် လေးသင်းအား ဒေါ်လာ ၁၇ သန်းစီ၊ စတုတ္ထရရှိသည့်အသင်းအား ဒေါ်လာ ၂၅ သန်း၊ တတိယရရှိသည့်အသင်းအား ဒေါ် လာ ၂၇ သန်း၊ ဒုတိယရရှိသည့်အသင်းအား ဒေါ်လာသန်း ၃၀ နှင့် ချန်ပီယံအသင်းအား ဒေါ်လာ ၄၂ သန်း ချီးမြှင့်ခြင်းဖြစ်သည်။
အာဂျင်တီးနားအသင်းသည် ကမ္ဘာ့ဖလားချန်ပီယံဆုကို တတိယအကြိမ် (၁၉၇၈၊ ၁၉၈၆၊ ၂၀၂၂) ရရှိခြင်းဖြစ်ပြီး ၃၆ နှစ်အကြာမှသာ တစ်ကျော့ပြန် ဆွတ်ခူးရယူနိုင်ခဲ့သည်။
ထို့ပြင် ၎င်းတို့အနေဖြင့် ပြိုင်ပွဲသမိုင်းတစ်လျှောက် အအောင်မြင်ဆုံးစာရင်းတွင် ဘရာဇီးလ် (ငါးကြိမ်)၊ ဂျာမနီ၊ အီတလီ (လေးကြိမ်) တို့ပြီးလျှင် စတုတ္ထနေရာ ရောက်ရှိလာကြောင်း သိရသည်။
အာဂျင်တီးနားအသင်းသည် ၂၀၂၁ ကိုပါအမေရိကချန်ပီယံဆုရရှိစဉ်ကလည်း ဒေါ်လာ ၆ ဒသမ ၅ သန်း ဆွတ်ခူးရရှိခဲ့သည်။
သည် ယခုနှစ် ကမ္ဘာ့ဖလားပြိုင်ပွဲအတွက် ဆုကြေး ကို ၂၀၁၈ ပြိုင်ပွဲထက် ၁၀ ရာခိုင်နှုန်းတိုးမြှင့်ထားပြီး စုစုပေါင်း ဒေါ်လာသန်း ၄၄၀ ကို ခွဲဝေပေးအပ်မည်ဖြစ်သည်။){kind=link}