မြောက်မက်ဆီဒိုးနီးယားအသင်းအား (၇-၀)ဂိုးဖြင့် အနိုင်ရရှိသည့်ပွဲတွင် ကစားသမားဘဝ ပထမဆုံးဟက်ထရစ် သွင်းယူနိုင်ခဲ့သည့် တောင်ပံတိုက်စစ်ကစားသမား ဆာကာသည် ကမ္ဘာ့အဆင့် ထိပ်တန်းစာရင်း Elite Level ထဲ ရောက်ရှိနေပြီဟု အင်္ဂလန်အသင်းနည်းပြ ဆောက်ဂိတ်က ချီးကျူးခဲ့သည်။
“ဟုတ်ပါတယ်။ သူဟာ အဲဒီအဆင့် (Elite Level) ကို ရောက်ရှိနေပြီလို့ ကျွန်တော် ယူဆပါတယ်။ အသင်းက ကောင်းကောင်းကစားနိုင်သလို၊ သူကလည်း အဓိကကစားသမားတစ်ယောက် ဖြစ်ခဲ့တယ်။ စစ်မှန်တဲ့ အမြင့်ဆုံးအဆင့် စွမ်းဆောင်ရည်နဲ့ပေါ့။ သူ့ရဲ့ စိတ်ပိုင်းဆိုင်ရာ၊ ဖိအားတွေကို ကျော်ဖြတ်နိုင်တဲ့စွမ်းရည်အကြောင်း များစွာပြောဖြစ်ပါတယ်။ သူဟာ အလုပ်လုပ်ရာမှာ ထူးခြားသူ တစ်ယောက်ပါပဲ”ဟု ဆောက်ဂိတ်က ပြောကြားခဲ့သည်။
ဆာကာ(၂၁ နှစ် ၂၈၇ ရက်)သည် ၂၀၀၈ စက်တင်ဘာလက ခရိုအေးရှားအသင်း နှင့် ကစားခဲ့သည့် ကမ္ဘာ့ဖလားခြေစစ်ပွဲတွင် ဝေါလ်ကော့(၁၉ နှစ် ၁၇၈ ရက်)ဟက်ထရစ်သွင်းခဲ့ပြီးနောက် အသက်အငယ်ဆုံးနှင့် ပထမဆုံး အာဆင်နယ်ကစားသမား ဟက်ထရစ်ရှင် ဖြစ်လာခဲ့သည်။
ထို့ပြင် ဆာကာအနေဖြင့် ၂၁ ရာစုအတွင်း အင်္ဂလန်အသင်းအတွက် ဟက်ထရစ်သွင်းပေးသည့် သတ္တမမြောက်ကစားသမားအဖြစ် အိုဝင်၊ ခရော့ချ်၊ ဝေါလ်ကော့၊ ဒီဖိုး၊ ဟာရီကိန်း၊ စတာလင်တို့ နောက်တွင် စာရင်းဝင်ခဲ့သည်။ ၂၁ ရာစုအတွင်းတွင် ဟာရီကိန်းက ငါးကြိမ်၊ အိုဝင်က နှစ်ကြိမ်စသဖြင့် အင်္ဂလန်အသင်းအတွက် ဟက်ထရစ်အကြိမ်အများဆုံး သွင်းယူပေးခဲ့ကြသည်။
၂၁ ရာစုအတွင်း ဆာကာမတိုင်မီ အင်္ဂလန်၏ဟက်ထရစ်ရှင်များ
အမည် ပြိုင်ဘက် ပြိုင်ပွဲ
အိုဝင် ဂျာမနီ ၂၀၀၂ ကမ္ဘာ့ဖလားခြေစစ်ပွဲ
အိုဝင် ကိုလံဘီယာ ခြေစမ်းပွဲ
ခရော့ချ် ဂျမေကာ ခြေစမ်းပွဲ
ဝေါလ်ကော့ ခရိုအေးရှား ၂၀၁၀ ကမ္ဘာ့ဖလားခြေစစ်ပွဲ
ဒီဖိုး ဘူလ်ဂေးရီးယား ယူရို-၂၀၁၂ ခြေစစ်ပွဲ
ဟာရီကိန်း ပနားမား ၂၀၁၈ ကမ္ဘာ့ဖလား
စတာလင် ချက် ယူရို-၂၀၂၀ ခြေစစ်ပွဲ
ဟာရီကိန်း ဘူလ်ဂေးရီးယား ယူရို-၂၀၂၀ ခြေစစ်ပွဲ
ဟာရီကိန်း မွန်တီနီဂရိုး ယူရို-၂၀၂၀ ခြေစစ်ပွဲ
ဟာရီကိန်း အယ်လ်ဘေးနီးယား ၂၀၂၂ ကမ္ဘာ့ဖလားခြေစစ်ပွဲ
ဟာရီကိန်း ဆန်မာရီနို ၂၀၂၂ ကမ္ဘာ့ဖလားခြေစစ်ပွ
