ဘောလုံးသမားများ၏ တန်ဖိုးကို တွက်ချက်ဖော်ပြပေးနေသည့် Footballbenchmark ၏ နောက်ဆုံးထုတ်ပြန်မှုအရ ကမ္ဘာ့တန်ဖိုးအကြီးဆုံး ကစားသမား(၁၀)ဦးစာရင်းတွင် PSG တိုက်စစ်မှူး ဘာပေ ဦးဆောင်နေပြီး အပြောင်းအရွှေ့ဈေးကွက်၌ နာမည်ကြီးနေသော ဒေါ့မွန်တိုက်စစ်မှူး ဟော်လန်းမှာ နံ ပါတ်(၁၁)နေရာတွင်သာ ရပ်တည်နိုင်ခဲ့ကြောင်း သိရသည်။
Footballbenchmark က ဘာပေ၏ တန်ဖိုးကို ပေါင် (၁၅၉)သန်းဟု သတ်မှတ်ခဲ့ပြီး ဟော်လန်း၏ တန်ဖိုးကိုမူ ပေါင် (၉၄)သန်း ဟုသာ သတ်မှတ်ခဲ့ခြင်းဖြစ်သည်။
ဘာပေမှာလည်း လာမည့်နွေရာသီတွင် PSG အသင်းကို စွန့်ခွာ၍ အသင်းပြောင်းရွှေ့တော့မည်ဟု သတင်းကြီးနေသူဖြစ်သည်။
ဘာပေ၏နောက် ဒုတိယနေရာတွင် စပါးတိုက်စစ်မှူး ဟာရီကိန်းနှင့် မန်စီးတီးတိုက်စစ်ကစားသမား စတာလင်တို့က ပေါင် (၁၀၈) သန်းစီဖြင့် ပူးတွဲရပ်တည်နေသည်။
ထို့ကြောင့် ဘာပေသည် အခြားကစားသမားတိုင်းထက် အနည်း ဆုံးပေါင်သန်း(၅၀)ကျော် တန်ဖိုးမြင့်နေသည်။
