ဘာစီလိုနာနည်းပြ ရော်နယ်လ်ကိုးမန်းက မက်ဆီအနေဖြင့် ၎င်း၏ကစားသမားဘဝကို ဘာစီလိုနာအသင်းတွင် အဆုံးသတ်မည်ဟု ပြောြ ကားခဲ့သည်။
အသက် (၃၃)နှစ်အရွယ်ရှိ အာဂျင်တီးနားတိုက်စစ်မှူး မက်ဆီသည် ဇွန်လ (၃၀)ရက်တွင် ဘာစီလိုနာအသင်းနှင့် စာချုပ်သက်တမ်းကုန်ဆုံးမည်ဖြစ်ပြီး ယခုနွေရာသီတွင် ပြောင်းရွှေ့ကြေးအလွတ်ဖြင့် အသင်းပြောင်းရွှေ့ခွင့်ရှိနေသူဖြစ်သည်။
ဘာစီလိုနာအသင်းအနေဖြင့် မက်ဆီအား စာချုပ်သစ်ချုပ်ဆိုရန် စီစဉ်နေသော်လည်း အသင်း၏ကြွေးမြီပြဿနာများကြောင့် ကြန့်ကြာနေကြောင်း သိရှိရသည်။
သို့သော် ရော်နယ်လ်ကိုးမန်းက မက်ဆီအား မကြာခင် စာချုပ်သစ်ချုပ်ဆိုနိုင်လိမ့်မည်ဟု မျှော်လင့်ကြောင်း ပြောကြားခဲ့ခြင်းဖြစ်သည်။
ရော်နယ်လ်ကိုးမန်းက “မက်ဆီအနေနဲ့ သူ့ရဲ့ကစားသမားဘဝကို ဘာစီလိုနာအသင်းမှာပဲ အဆုံးသတ်ရမှာပါ။ မက်ဆီအနေနဲ့ သိပ်မကြာခင် အသင်းနဲ့ စာချုပ်ချုပ်ဖို့ ကျွန်တော် မျှော်လင့်ပါတယ်”ဟု ပြောကြားခဲ့သည်။
