ကင်မ်မစ်ချ်ကို လစာနှစ်ဆဖြင့် သက်တမ်းတိုးရန် ဘိုင်ယန်မြူးနစ်အသင်း သဘောတူညီမှုရရှိ

ဘိုင်ယန်မြူးနစ်အသင်းသည် အမာခံကစားသမား ကင်မ်မစ်ချ်ကို လစာနှစ်ဆတိုးပေး၍ နှစ်ရှည်သက်တမ်းတိုးရန် သဘောတူညီမှု ရရှိခဲ့ပြီဖြစ်ကြောင်း သိရသည်။

ဘိုင်ယန်မြူးနစ်အသင်းသည် ကင်မ်မစ်ချ်(၂၆ နှစ်)ကို သက်တမ်းတိုးစာချုပ် ချုပ်ဆိုနိုင်ရန် ပြီးခဲ့သည့်နှစ်ကတည်းက ကြိုးပမ်းခဲ့ခြင်းဖြစ်ပြီး ယခုမှ သဘောတူညီမှု ရရှိခဲ့ခြင်းဖြစ်ကြောင်း ဂျာမန်သတင်းစာ Bild က ဖော်ပြခဲ့သည်။

ယခု သဘောတူညီမှုအရ ကင်မ်မစ်ချ်သည် ဘိုင်ယန်မြူးနစ်အသင်းတွင် ၂၀၂၆ ခုနှစ်အထိ ဆက်ရှိသွားမည်ဖြစ်ပြီး လက်ရှိလစာနှုန်းထား၏ နှစ်ဆ တိုးမြင့်ရရှိသွားမည်ဟု သိရသည်။