ဆော်ဒီကလပ် အယ်လ်နက်ဆာအသင်းသည် ရော်နယ်ဒို၏ ပြိုင်ဘက် အက်ဘ်ဟာအသင်းကို ၂-၁ ဖြင့် အနိုင်ရရှိခဲ့သည်။ ထိုပွဲတွင် ရော်နယ်ဒိုက ၃၅ ကိုက် ခန့်အကွာမှ နေ၍ ဖရီးကစ်ကို လှပစွာကန်သွင်းပြီး အယ်လ်နက်ဆာအသင်းကို များစွာတက်ကြွစေခဲ့ကြောင်းသတင်းများက ဖော်ပြသည်။
ပြိုင်ဘက်အသင်းက ပထပိုင်း ၂၆ မိနစ်တွင် ဦးဆောင်ဂိုးသွင်းထားခြင်းကို အသက် ၃၈ နှစ်အရွယ် ရော်နယ်ဒိုက ပွဲချိန် ၇၈ မိနစ်တွင် ဖရီးကစ်ဖြင့် ချေပဂိုးသွင်းလိုက်နိုင်ခြင်းဖြစ်သည်။ ထို့နောက်တွင် အယ်လ်နက်ဆာက ပင်နယ်တီတစ်လုံးရကာ အဆိုပါပင်နယ်တီကို တာလစ်စ်ကာက ကန်သွင်းပြီး ပွဲအပြီးတွင် ၂-၁ ဖြင့် အနိုင်ရရှိခဲ့ခြင်းဖြစ်သည်။
အယ်လ်နက်ဆာသည် ဆော်ဒီပရိုလိဂ်တွင် ဒုတိယနေရာတွင် ရပ်တည်နေပြီး ပထမနေရာမှ အယ်လ်အီတီဟက်အသင်းနှင့် တစ်မှတ်ကွာဟနေသည်။ အယ်လ်နက်ဆာသည် အယ်လ်အီတီဟက်ကို မတ်လ ၉ ရက်နေ့က ရှုံးနိမ့်ထားသည်။
ယခုကဲ့သို့ ဂိုးသွင်းယူနိုင်သည့် အတွက်ဂုဏ်ယူကြောင်း ပရိသတ်များရှေ့တွင် ဂိုးသွင်းပြနိုင်ခြင်းအတွက် ပျော်ရွှင်ရကြောင်း ရော်နယ်ဒိုက ပွဲအပြီးတွင် လူမှုကွန်ရက်မှ တစ်ဆင့်ပြောကြားခဲ့သည်။
