ဥရောပဘောလုံးအဖွဲ့ချုပ် (UEFA) သည် ဥရောပစူပါဖလား ပြိုင်ပွဲအစား ပြိုင်ပွဲသစ်တစ်ခု ကျင်းပရန် စီစဉ်နေကြောင်း သိရှိရသည်။
ဥရောပထိပ်တန်းကလပ်အသင်းကြီးများသည် အလွန်များပြားသည့် ပွဲစဉ်အရေအတွက်ကို ယှဉ် ပြိုင်ကစားနေရချိန်တွင် UEFA၏ ယခုအစီအစဉ်သစ်အပေါ် ဝေဖန်မှုများရှိနေသော်လည်း ပြိုင်ပွဲသည် မကြာမီအသက်ဝင်လာဖွယ်ရှိနေသည်ဟု L’Equipe သတင်းစာက ဖော်ပြခဲ့သည်။
UEFA သည် ယခုပြိုင်ပွဲသစ်ကို နှစ်စဉ် ချန်ပီယံလိဂ်ရာသီသစ် မတိုင်မီ ကျင်းပသွားမည်ဖြစ်ပြီး ချန်ပီယံလိဂ်ချန်ပီယံအသင်းနှင့် အခြားအအောင်မြင်ဆုံး ထိပ်သီးအသင်း(၃)သင်း ယှဉ်ပြိုင်သွားကြမည်ဖြစ်သည်။
ယင်းအတွက်ကြောင့် ပုံမှန်ကျင်းပနေသည့် ဥရောပစူပါဖလားပုံစံဖြစ်သည့် ချန်ပီယံလိဂ်ချန်ပီယံနှင့် ယူရိုပါလိဂ်ချန်ပီယံတို့ ကစားသည့်ပြိုင်ပွဲမှာ ပျောက်ကွယ်သွားမည်ဖြစ်သည်။
ထို့ပြင် ပုံမှန်အားဖြင့် ဥရောပစူပါလိဂ်ပြိုင်ပွဲအား ဥရောပမြေတွင်သာ ယှဉ်ပြိုင်ကစားလေ့ရှိသော်လည်း ယခုပြိုင်ပွဲပုံစံသစ်ကိုမူ အမေရိကန်နိုင်ငံတွင် သွားရောက်ကျင်းပဖွယ်ရှိကြောင်း သိရသည်။
