ဘရန့်ဖို့ဒ်အသင်း၏နည်းပြ သောမတ်စ်ဖရန့်ခ်က ကွင်းလယ်ကစားသမား အဲရစ်ဆင်ကို ခေါ်ယူခဲ့ခြင်းမှာ အလောင်းအစားပြုလုပ်ခဲ့ခြင်းမဟုတ်ကြောင်း ပြောကြားခဲ့သည်။
ဘရန့်ဖို့ဒ်အသင်းသည် နှလုံးရောဂါကြောင့် အင်တာမီလန်အသင်းနှင့် လမ်းခွဲခဲ့သည့် အဲရစ်ဆင်ကို ပြီးခဲ့သည့်ဇန်နဝါရီအပြောင်းအရွှေ့တွင် ခေါ်ယူခဲ့ခြင်းဖြစ်သည်။
အဲရစ်ဆင်သည် ဘန်လေအသင်းနှင့် ယှဉ်ပြိုင်ကစားခဲ့သည့် ပရီးမီးယားလိဂ်ပွဲစဉ်တွင် ခြေစွမ်းပြကစားနိုင်ခဲ့ပြီးနောက် သောမတ်စ်ဖရန့်ခ်က ယင်းသို့ ပြောကြားခဲ့ခြင်းဖြစ်သည်။
၎င်းက ”သူ့ကို ခေါ်ခဲ့တာ အလောင်းအစားလုပ်တာ မဟုတ်ပါဘူး။ သူက ကျွန်တော်တို့ကို ကူညီနိုင်မယ့်သူဖြစ်ပြီး ဘရန့်ဖို့ဒ်အသင်းရဲ့ အကောင်းဆုံးခေါ်ယူမှုဖြစ်လာမယ့်သူလို့ ယုံကြည်တာကြောင့်ပါ”ဟု ပြောကြားခဲ့သည်။
