ပေါလ်မာဆင်သည် အာဆင်နယ်အသင်းခေါင်းဆောင် အော်ဒီဂွါ၏ ဘရိုက်တန်နှင့်ပွဲမှ ဖန်တီးပေးပို့မှုကိုလည်း နာမည်ကျော် စနူကာကစားသမား အိုဆူလီဗန်နှင့် နှိုင်းယှဉ်ကာ ချီးကျူးမှု ပြုလုပ်ခဲ့သည်။
ဘရိုက်တန်နှင့်ပွဲ၌ တစ်ဂိုးသွင်း၊ တစ်ဂိုးဖန်တီးကာ ခြေစွမ်းပြခဲ့သော အော်ဒီဂွါသည် မာတင်နယ်လီသွင်းယူသည့် နောက်ဆုံးဂိုးကို မထင်မှတ်သည့်ကန်ချက်ဖြင့် ဖန်တီးပေးပို့ခဲ့ခြင်းဖြစ်သည်။
ထို့ကြောင့် ပေါလ်မာဆင်က “အော်ဒီဂွါက ဘောလုံးရောက်လာရင် ဘာလုပ်မယ်ဆိုတာ ကြိုတွေးထားပြီးသားဖြစ်သလို၊ မာတင်နယ်လီကလည်း ကြိုသိထားပြီး ဖြစ်ပါလိမ့်မယ်။ အော်ဒီဂွါရဲ့ ဖန်တီးမှုက ဘောလုံးလောကရဲ့ အိုဆူလီဗန်ပါပဲ။ ဒီဘရိုင်းနားလည်း အော်ဒီဂွါလို အကွက်မြင်ပါတယ်။ ပရီးမီးယားလိဂ်မှာ သူတို့လောက် အကွက်မြင်တဲ့ကစားသမား မရှိဘူးလို့ ထင်ပါတယ်” ဟု ပြောကြားခဲ့သည်။
