ချယ်လ်ဆီးနည်းပြ တူဟယ်လ်သည် မတ်(၁)ရက်ကပြုလုပ်သည့် သတင်းစာရှင်းလင်းပွဲတွင် အသင်းပိုင်ရှင် အေဘရာမိုဗစ်ချ်၊ ယူကရိန်းစစ်ပွဲနှင့် ပတ်သက်သည့်အကြောင်းအရာများအား မမေးမြန်းရန် သတင်းထောက်များကို တောင်းဆိုခဲ့ကြောင်း သိရသည်။
ရုရှားနိုင်ငံက ယူကရိန်းနိုင်ငံအပေါ် ကျူးကျော်တိုက်ခိုက်ခြင်းကြောင့် ရုရှားသမ္မတနှင့်ရင်းနှီးသောဆက်ဆံ ရေးရှိနေသည့် ချယ်လ်ဆီးအသင်းပိုင်ရှင် အေဘရာမိုဗစ်ချ်မှာ အခက်အခဲများနှင့်ရင်ဆိုင်နေရပြီး အသင်းကို ရောင်းထုတ်ရန် စီစဉ်နေကြောင်း သိရသည်။
ပြီးခဲ့သည့်အင်္ဂါနေ့က ပြုလုပ်ခဲ့သည့် ချယ်လ်ဆီးအသင်း၏သတင်းစာရှင်းလင်းပွဲတွင် သတင်းထောက်များက ရုရှားက ယူကရိန်းအပေါ် ကျူးကျော်ခြင်း၊ အေဘရာမိုဗစ်ချ်၏ အခြေအနေနှင့်ပတ်သက်ပြီး တူဟယ်လ်ကို ဆက်တိုက်မေးမြန်းခဲ့ကြသည်။
ထို့ကြောင့် တူဟယ်လ်က “နားထောင်ပါဦး။ နားထောင်ပါဦး။ ခင်ဗျားတို့ ရပ်လိုက်သင့်ပြီ။ ကျွန်တော်က နိုင်ငံရေးသမားမဟုတ်ဘူး။ ဒီအကြောင်းနဲ့ပတ်သက်လို့ စိတ်မကောင်းဘူးလို့ ကျွန်တော်ပြောတာလည်း ထပ်နေပြီ။ ကျွန်တော် စစ်ပွဲနဲ့ မကြုံဖူးပါဘူူး။ ဒီမေးခွန်းတွေ မမေးကြပါနဲ့။ ကျွန်တော် ဖြေမှာမဟုတ်ပါဘူး” ဟု ဆိုခဲ့သည်။
