အသက် (၄၆) နှစ်အရွယ်ဂိုးသမား ဒီဒါသည် ပြီးခဲ့သည့်နှစ်အတွင်း၌ အေစီမီလန်ယူ-၁၇ အသင်းဂိုးနည်းပြအဖြစ် စတင်ဆောင်ရွက်ခဲ့ပြီး ယခုအခါ အေစီမီလန်အသင်းတာဝန်ရှိသူများက ဒီဒါကို ရာထူးတိုးပေးရန်စီစဉ်နေခြင်းဖြစ်သည်။
ဘရာဇီးလ်နာမည်ကျော်ဂိုးသမားဒီဒါသည် အေစီမီလန်အသင်းကြီး၏ဂိုးနည်းပြအဖြစ် ဆောင်ရွက်ခွင့် ရရှိတော့မည်ဖြစ်ကြောင်းသိရသည်။
![](https://sportsmyan.com/wp-content/uploads/2020/08/nelson-dida-2-1024x536.jpg)
အသက် (၄၆) နှစ်အရွယ်ဂိုးသမား ဒီဒါသည် ပြီးခဲ့သည့်နှစ်အတွင်း၌ အေစီမီလန်ယူ-၁၇ အသင်းဂိုးနည်းပြအဖြစ် စတင်ဆောင်ရွက်ခဲ့ပြီး ယခုအခါ အေစီမီလန်အသင်းတာဝန်ရှိသူများက ဒီဒါကို ရာထူးတိုးပေးရန်စီစဉ်နေခြင်းဖြစ်သည်။
Sky Sport Italia အပါအဝင် အီတလီမီဒီယာအများစုက လာမည့်ရာသီတွင် အေစီမီလန်အသင်းကြီးဂိုးသမား ဒွန်နာရမ်မာ၏ ဂိုးနည်းပြအဖြစ် ဒီဒါဆောင်ရွက်သွားမည်ဟု ဖော်ပြနေကြသည်။ ဒီဒါသည် ၂၀၀၂ ခုနှစ်မှ ၂၀၁၀ ခုနှစ်အတွင်း အေစီမီလန်အသင်းဂိုးသမားအဖြစ် (၃၀၂)ပွဲပါဝင် ကစားခဲ့သူဖြစ်သည်။
အေစီမီလန် အသင်းနှင့်အတူ ဒီဒါသည် ချန်ပီယံလိဂ်နှင့် ဥရောပစူပါဖလား(၂)ကြိမ်၊ စီးရီးအေ၊ ကိုပါအီတာလီယာ၊ အီတလီစူပါဖလားနှင့် ဖီဖာကလပ်ကမ္ဘာ့ဖလားတစ်ကြိမ် ဆွတ်ခူးနိုင်ခဲ့သည်။