ပလာဇန်အသင်းနဲ့ပွဲမှာ ပြိုင်ဘက်ကို အမှားတစ်ကြိမ်ထပ်မံခွင့်ပြုခဲ့ရပေမယ့် အသင်းဘက်က အိုနာနာကို ယုံကြည်မှုအပြည့်ရှိကြောင်း အသင်းခေါင်းဆောင် ဖာနန်ဒက်စ်က အခိုင်အမာပြောကြားလိုက်ပါတယ်။ အခုဂိုးက ကင်မရွန်းသားအတွက် ပြိုင်ဘက်ကို ၂ ပွဲဆက်ဂိုးပေးရတဲ့ပွဲဖြစ်လာခဲ့ပါတယ်။ နော်တင်ဟမ်ဖောရက်စ်ကိုအရေးနိမ့်ခဲ့တဲ့ပွဲမှာလည်း အမှားလုပ်ခဲ့သေးတာဖြစ်ပြီး အခုပွဲမှာတော့ ဟွိုက်လန်းကြောင့် ယူနိုက်တက်က ၂-၁ နဲ့အနိုင်ရရှိခဲ့ပါတယ်။
ယူနိုက်တက်ရဲ့စွမ်းဆောင်ရည်နဲ့ပတ်သက်ပြီး ဝေဖန်မှုတွေရှိနေပေမယ့် အသင်းခေါင်းဆောင် ဖာနန်ဒက်စ်က ကာကွယ်ပြောကြားခဲ့ပါတယ်။ပေါ်တူဂီသားက အိုနာနာကို ဦးတည်ဝေဖန်တာနဲ့ပတ်သက်ပြီး အားလုံးမှာ တာဝန်မကင်းဘူးလို့ ထောက်ပြခဲ့ပါတယ်။ “ကျွန်တော်တို့ နောက်တန်းကနေ ကစားကွက်တည်ကစားပါတယ်။ အဲ့တာကို လူတိုင်းသိပါတယ်။ အဲ့နောက် ကျွန်တော်တို့ ကွင်းအတွင်းမှာ မှန်ကန်တဲ့ဆုံးဖြတ်ချက်ချဖို့ လိုအပ်ပါတယ်။ အန်ဒဂရီ နဲ့ ဒီလစ်ဂျ်တို့ကြား နားလည်မှုလွဲခဲ့ပြီး ပြိုင်ဘက်ကို ဂိုးပေးလိုက်ရပါတယ်။
အဲ့တာက အိုနာနာတစ်ဦးတည်းအမှာမဟုတ်ပဲ တစ်ဦးချင်းကိုပဲ ကြည့်နေလို့မရပါဘူး။ ကျွန်တော်တို့ အိုနာနာအပေါ်မှာယုံကြည်မှုအပြည့်ရှိပါတယ်။ သူအမှားလုပ်ခဲ့ပေမယ့် သူက အရမ်းပါးနပ်တဲ့သူပါ။ သူအသင်းကို အများကြီးကူညီပေးခဲ့ပါတယ်။ အမှားတွေဆိုတာ ဘောလုံးမှာကဖြစ်တတ်ပါတယ်။ တကယ်လို့ အဲ့လိုမဖြစ်လာရင် ဂိုးတွေဆိုတာလည်း ဖြစ်လာမှာမဟုတ်ပါဘူး။ ဒါပေမယ့် ကျွန်တော်တို့ အသန်မာဆုံးပြန်လာပြီး နိုင်ပွဲရှာဖွေနိုင်ခဲ့ပါတယ်”လို့ ဖာနန်ဒက်စ်က ပြောကြားခဲ့ပါတယ်။
အာမိုရင်ရဲ့အသင်းဟာ အခုလာမယ့်တနင်္ဂနွေနေ့မှာ မန်ချက်စတာဒါဘီအဖြစ် မန်စီးတီးနဲ့ရင်ဆိုင်ရမှာဖြစ်ပါတယ်။
