အာဆင်နယ် အသင်းဟာ သူတို့ရဲ့ အမျိုးသမီး အသင်း နောက်ခံလူ Steph Catley ကို စာချုပ်သစ် ချုပ်ဆို နိုင်ခဲ့ပြီ ဖြစ်ကြောင်း တရားဝင် ကြေညာလိုက်ပါတယ် ။ ဩစတေးလျ လက်ရွေးစင် နောက်ခံလူ Steph Catley ဟာ ၂၀၂၀ ခုနှစ်မှာ အာဆင်နယ် အသင်းကို ရောက်ရှိ လာတာ ဖြစ်ပြီး အသင်းအတွက် ၇၄ ပွဲ ကစားပေးထားသူ ဖြစ်ပါတယ် ။
တူရကီ ကလပ် ဂါလာတာစာရေး အသင်းဟာ အာဆင်နယ် အသင်း ရဲ့ နောက်ခံလူ တာဗာရက်စ် ကို ခေါ်ယူဖို့ စိတ်ဝင်စား နေပါတယ် ။ အာဆင်နယ် အသင်းဟာလည်း ဂါလာတာစာရေး အသင်း ရဲ့နောက်ခံလူ ဆာချာ ဘိုရေး ကို ကင်းထောက် စောင့်ကြည့်မှုတွေ ရှိခဲ့တယ်လို့ သိရပါတယ် ။
အာဆင်နယ် အသင်းဟာ အသက် ၁၈ နှစ် အရွယ်သာ ရှိသေးပြီး ‘ new Mesut Ozil ‘ လို့ နာမည်ကြီးနေတဲ့ ဖီနာဘာချီ ကွင်းလယ်လူ Arda Guler ကို ဆက်သွယ်မှုတွေ လုပ်ခဲ့တယ်လို့ သတင်းတွေ ထွက်ပေါ် လာခဲ့ပါတယ် ။ Guler ဟာ အသက် ၁၆ နှစ်မှာတင် ဖီနာဘာချီ အသင်း အတွက် ပွဲဦးထွက် ကစားခဲ့သူ ဖြစ်ပြီး ၃၂ ပွဲ ကစားရာမှာ ၇ ဂိုး အထိ သွင်းထားပါတယ် ။
မန်စီးတီး နဲ့ ကွန်မြူနတီဒိုင်း ကစားရဖို့ ရှိနေတာကြောင့် အာဆင်နယ် အသင်းဟာ ဒီနှစ်မှာတော့ ကြားရက်မှာ အမ်းမရိတ် ဖလားပွဲ ကစားသွားမှာ ဖြစ်ပါတယ် ။ အမ်းမရိတ်ဖလားပွဲဟာ ပုံမှန် အားဖြင့် ၄ သင်း သို့မဟုတ် ၄ သင်းနှင့် အထက် ကစားကြတာ ဖြစ်ပေမယ့် ဒီနှစ်မှာတော့ မိုနာကို တသင်းတည်းကိုပဲ ဖိတ်ခေါ် ကစားသွားမှာပါ ။
သတင်းထောက် ဒင်းဂျုံးစ် က ဝက်စ်ဟမ်း ကပ္ပတိန် ဒီကလန်ရိုက်စ် တစ်ယောက် အာဆင်နယ် အသင်းထံ ပြောင်းရွှေ့ ကစားနိုင်ချေ ၇၅% အထိ ရှိကြောင်း ကစားသမားနဲ့ နီးစပ်တဲ့ အသိုင်းအဝိုင်း ကနေ သိရတယ်လို့ ပြောကြား လိုက်ပါတယ် ။
ဆလီဘာ ကို စာချုပ်သစ် ချုပ်ဆိုဖို့ ဆွေးနွေး ပြောဆိုမှုဟာ အပေါင်း လက္ခဏာဆောင်နေတယ်လို့ Sky Sports က ဖော်ပြ လိုက်ပါတယ် ။ နောက်ထပ် သတင်းကောင်း တစ်ခုကတော့ အာဆင်နယ် အသင်းဟာ နယ်လ်ဆင် ကို လေးနှစ်စာချုပ် + နောက်ထပ် ၁ နှစ် ထပ်တိုးခွင့် ချုပ်ဆိုဖို့ နီးစပ်နေပြီ ဖြစ်ပီး နောက်ဆုံးအဆင့် ကို ရောက်ရှိ နေပြီ ဖြစ်ပါတယ် ။
