ဘယ်လာရင်သည် ကွင်းအတွင်း စွမ်းဆောင်ရည်သာမက သူ၏သဘာဝပတ်ဝန်းကျင်ထိန်းသိမ်းရေး ဆောင်ရွက်မှုများကြောင့် ကျော်ကြားခဲ့ပြီး သားသတ်လွတ်စား ဘောလုံးသမားတစ်ဦးလည်းဖြစ်သည်။
League Two ကလပ် ဖောရက်စ်ဂရင်း အသင်း၏ ရှယ်ယာရှင်တစ်ဦး ဖြစ်လာသည်ဟု အာဆင်နယ်အသင်းနောက်ခံလူ ဘယ်လာရင်က အတည်ပြုပြောကြားခဲ့ပြီး အသင်းတွင် ဒုတိယရှယ်ယာအများဆုံးပိုင်ဆိုင်သူ ဖြစ်လာသည်ဟုလည်း သတင်းများက ဖော်ပြခဲ့သည်။
![](https://sportsmyan.com/wp-content/uploads/2020/09/club-Forest-Green-1024x536.jpg)
ဘယ်လာရင်သည် ကွင်းအတွင်း စွမ်းဆောင်ရည်သာမက သူ၏သဘာဝပတ်ဝန်းကျင်ထိန်းသိမ်းရေး ဆောင်ရွက်မှုများကြောင့် ကျော်ကြားခဲ့ပြီး သားသတ်လွတ်စား ဘောလုံးသမားတစ်ဦးလည်းဖြစ်သည်။
ယခု ဘယ်လာရင် ရှယ်ယာဝယ်ယူခဲ့သည့် ဖောရက်စ်ဂရင်း အသင်းမှာလည်း ၂၀၁၅ ခုနှစ်က ဥက္ကဋ္ဌ ဒေးလ်ဗင့်စ်လက်အောက်၌ ပရိသတ်နှင့် ကစားသမားများကို သားသတ်လွတ်အစားအသောက်များကိုသာ စီစဉ်ပေးခြင်းဖြင့် ကမ္ဘာ့ ပထမဆုံး Vegan Club ဖြစ်လာခဲ့သည်။
![](https://sportsmyan.com/wp-content/uploads/2020/09/Héctor-Bellerín-Arsenal-2-1024x536.jpg)
ဖောရက်စ်ဂရင်းအသင်း၏လုပ်ဆောင်မှုကို FIFA ကလည်း အသိအမှတ်ပြုခဲ့ပြီး ကမ္ဘာ့ပတ်ဝန်းကျင်စိမ်းလန်းစိုပြည်မှုအရှိဆုံး ဘောလုံးကလပ်အသင်းအဖြစ် ကင်ပွန်းတပ် ပေးခဲ့သည်။ ထို့ကြောင့် ဘယ်လာရင်သည် သူ၏သဘာဝပတ် ဝန်းကျင်ဆိုင်ရာလုပ်ငန်းများကို အရှိန်အဟုန်မြင့်ဆောင်ရွက်နိုင်စေရန်အတွက် ဖောရက်စ်ဂရင်းအသင်းဘုတ်အ ဖွဲ့နှင့် ဆက်သွယ်ပူးပေါင်းပြီး ရှယ်ယာဝယ်ယူခဲ့ခြင်းဖြစ်သည်။
The Athletic နှင့်တွေ့ဆုံမှု တွင် ဘယ်လာရင်က အင်္ဂလန်စတုတ္ထတန်းအဆင့်သာရှိသည့် ဖောရက်စ်ဂရင်းမှာ ဘောလုံးအသင်းတစ်သင်းကို မည်သို့မောင်းနှင်ရမည်ဆိုသည့်အတွက် ရှင်းလင်းသည့်ဥပမာတစ်ခုဟု မှတ်ချက်ပြုခဲ့သည်။