အာဆင်နယ် အသင်းရဲ့ ပရီးမီးယားလိဂ် လူစာရင်း မှာကော ယူရိုပါလိဂ် လူစာရင်းမှာပါ ချန်လှပ်ခံရတဲ့ အိုဇေးလ် ကတော့ မနေ့ညက ကစားခဲ့တဲ့ ရက်ပစ် ဗီယင်နာ နဲ့ ပွဲကို အိမ်ကနေ အားတက် သရော ကြည့်ရှု အားပေးခဲ့ပြီး အသင်းအပေါ် သူ့ရဲ့ ချစ်စိတ်ကို ထုတ်ဖော် ပြသ သွားခဲ့ပါတယ် ။
အိုဇေးလ် ဟာ သူ့ရဲ့ တွစ်တာ အကောင့်မှာ ရက်ပစ် ဗီယင်နာ နဲ့ အာဆင်နယ် အသင်း ပွဲမကစားခင် ၊ ပွဲကစားနေစဉ်အတွင်း နဲ့ ပွဲကစားအပြီး အထိ စုစုပေါင်း ပိုစ့် ၇ ခု အထိ တင်ကာ အသင်း နဲ့ အသင်းဖော် တွေကို အားပေး နေကြောင်း ထုတ်ဖော် ပြသ ခဲ့တာပါ ။
အိုဇေးလ် က ပွဲမစခင် သူ့ရဲ့ ပထမဦးဆုံး ပိုစ့် အဖြစ် ” ယနေ့ည ကွင်းထဲမှာ လိုက်ပါ အားပေးခွင့် မရတေ့ာ လန်ဒန် မှာပဲ တီဗွီ ရှေ့ကနေ အားပေးရတာပေါ့ဗျာ ၊ ခင်ဗျားတို့ရဲ့ ပွဲရလဒ် ခန့်မှန်းလေးတွေ ပြောခဲ့ကြပါဦး ။ ကျွန်တော်ကတော့ ၄-၁ နဲ့ အာဆင်နယ် နိုင်မယ် ၊ ကိုလာစီနက် ၊ အယ်နီနီ ၊ လာကာဇက် ၊ ပေပေ တို့ ဂိုးသွင်းကြလိမ့်မယ် ခန့်မှန်းပါတယ် ။ ” လို့ တင်ပြီး သူ့ရဲ့ ပွဲကြို ရင်ခုန်သံကို ရေးသား ခဲ့ပါတယ် ။
Aubaaaaaaaaaaa !!!! Good job guys! #UEL #YaGunnersYa pic.twitter.com/l2gZnCdPuB
— Mesut Özil (@MesutOzil1088) October 22, 2020
အဲ့ဒီနောက်မှာတော့ အိုဇေးလ် ဟာ Okay then, let’s go Gunners!!! 😁❤️💪🏼 #UEL #COYG #YaGunnersYa #M1Ö @Arsenal လို့ ရေးသားကာ သူ့ရဲ့ ကာတွန်း gif နဲ့ အတူ ဒုတိယပိုစ့် ထပ်တင် ခဲ့ပါတယ် ။
ပထမပိုင်း အပြီးမှာလည်း အိုဇေးလ် ဟာ ဂိုးမရှိ သရေကျနေပေမယ့် အိမ်ကို အနိုင်ရလဒ် နဲ့ အတူ ပြန်လာကြဖို့ အသင်းဖော်တွေကို တိုက်တွန်း ရေးသားခဲ့ပါတယ် ။ ဒါ့အပြင် အိုဇေးလ် ဟာ လီနို ရဲ့ အမှားကြောင့် ဂိုးပေးလိုက်ရချိန်မှာ အသင်းဖော် ဂိုးသမား ကို အားပေး နှစ်သိမ့် ခဲ့ပြီး ရလဒ်ကို ပြောင်းလဲဖို့ အချိန် လုံလုံလောက်လောက် ရှိသေးကြောင်း တင်ခဲ့ပါတယ် ။
ဒေးဗစ်လူးဝဇ် ချေပဂိုး သွင်းလိုက်ချိန်မှာကော အူဘာမီယန်း အနိုင်ဂိုး သွင်းလိုက်ချိန်တွေမှာလည်း အိုဇေးလ် ဟာ တွစ်တာ မှာ အောင်ပွဲခံ ရေးသားကာ အသင်းဖော်တွေကို ဂုဏ်ပြု ပေးခဲ့ပါတယ် ။
Okay then, let's go Gunners!!! 😁❤️💪🏼 #UEL #COYG #YaGunnersYa #M1Ö @Arsenal pic.twitter.com/aNIDFewHyy
— Mesut Özil (@MesutOzil1088) October 22, 2020
ပွဲအပြီးမှာလည်း အိုဇေးလ် ဟာ အနိုင်သုံးမှတ်ရခဲ့တာဟာ ကောင်းမွန်ကြောင်း နဲ့ သူ့စိတ်ကြိုက် ကစားသမား ၄ ဦးကို Poll လုပ်ကာ ဒီနေ့ပွဲအတွက် MOTM ကို ရွေးချယ် စေခဲ့ပါတယ် ။ အိုဇေးလ် ရဲ့ MOTM ဆုရှင် ဆန်ကာတင် စာရင်းကတော့ အူဘာမီယန်း ၊ လူးဝဇ် ၊ အယ်နီနီ ၊ ပါတေး တို့ ဖြစ်ပါတယ် ။
အာဆင်နယ် နည်းပြ အာတီတာ ကတော့ ပွဲအပြီး သတင်းစာ ရှင်းလင်းပွဲမှာ အိုဇေးလ် ရဲ့ တွစ်တာပေါ် က ပိုစ့် တွေ နဲ့ ပတ်သက်ပြီး ” တကယ့်ကို ကောင်းမွန်တယ်လို့ပဲ ဆိုချင်ပါတယ် ၊ လူစာရင်းမှာ မပါတဲ့ ကစားသမားတွေ ဆီက ကျွန်တော် လိုချင်တဲ့ အရာပါပဲ ။ ဒီလိုမျိုး ကြားရလိမ့်မယ်လို့ မမျှော်လင့်ထားပါဘူး ၊ သတင်းကောင်းပါပဲ ။ ” လို့ ဖြေကြား သွားခဲ့ပါတယ် ။
