အာဆင်နယ်အသင်း၏ ကစားသမားဟောင်းဖြစ်ပြီး လက်ရှိအချိန်၌ ဘောလုံးသုံးသပ်သူအဖြစ် ဆောင်ရွက်နေသည့် ပေါလ်မာဆင်က ယခုရာသီတွင် အာဆင်နယ်အသင်း ပရီးမီးယားလိဂ်ချန်ပီယံဖြစ်လိမ့်မည်ဟု ယုံကြည်နေဆဲဖြစ်ကြောင်း ပြောကြားခဲ့သည်။
အာဆင်နယ်အသင်းသည် နောက်ဆုံး (၃)ပွဲဆက် အမှတ်လျော့ခဲ့ခြင်းကြောင့် ချန်ပီယံဆုကို လက်လွှတ်ရတော့မည်ဟု ထင်ကြေးပေးမှုများ မြင့်တက်လာခဲ့သည်။
သို့သော် ပေါလ်မာဆင်က ”ကျွန်တော်ကတော့ အာဆင်နယ်အသင်းကို ယုံကြည်နေတုန်းပါပဲ။ ပရီးမီးယားလိဂ်မှာ အပြောင်းအလဲတွေက မြန်ဆန်တတ်ပါတယ်။ အာဆင်နယ်အသင်းရဲ့လက်ထဲကို အခွင့်အရေးပြန်ရောက်လာပါလိမ့်မယ်”ဟု ပြောကြားခဲ့သည်။
