အာဆင်နယ်တိုက်စစ်မှူးသစ် ဂါဘရီယဲလ်ဂျေးဇူးက မိမိအနေဖြင့် အာဆင်နယ်အသင်းတွင် ကာလရှည်ကစားလိုကြောင်း ပြောကြားခဲ့သည်။
ယခုနွေတွင် မန်စီးတီးအသင်းမှ ပေါင် (၄၅)သန်းဖြင့် အာဆင်နယ်အသင်းထံသို့ ရောက်ရှိလာသူ ဂျေးဇူးသည် အာဆင်နယ်အသင်း နှင့် (၅)နှစ်စာချုပ် ချုပ်ဆိုထားသည်။
ဂျေးဇူးက “ကျွန်တော်က ဘဝကို စီမံကိန်းတွေနဲ့ ဖြတ်သန်းနေသူပါ။ အာဆင်နယ်အသင်းကို တစ်ရာသီ၊ နှစ်ရာသီကစားဖို့ လာတာမဟုတ်ပါဘူး။ ဒီအသင်းမှာ (၅)နှစ်ကြာ ကစားသွားမှာဖြစ်ပါတယ်။ အာဆင်နယ်အတွက် ဆုဖလားတွေရယူပေးနိုင်ဖို့ ကျွန်တော် အစွမ်းကုန် ကြိုးစားသွားမှာပါ”ဟု ပြောကြားခဲ့သည်။
