ဒီမနေ့ မနက်မှာ ကစားခဲ့တဲ့ ယူရို ခြေစစ်ပွဲမှာ ဂန်းနားတို့ ကြယ်ပွင့်လေး ဆာကာ ဟာ ဒဏ်ရာ ပြဿနာ ရှိနေတာကြောင့် ပထမပိုင်း အပြီးမှာ ဖိုဒန် နဲ့ လူစားလဲ ခံလိုက်ရပါတယ် ။ အင်္ဂလန် နည်းပြ ဆောက်ဂိတ် ကတော့ ဆာကာ ဒဏ်ရာ အခြေအနေ က ကောင်းမွန်ပြီး ဂိုးပြတ်နေချိန်မှာ risk မယူချင်တာကြောင့် လူစားလဲ လိုက်ရတာ ဖြစ်တယ်လို့ ရှင်းပြ သွားခဲ့ပါတယ် ။
ပြီးခဲ့တဲ့ ရက်ပိုင်းကမှ မင်္ဂလာပွဲ ဆင်နွဲထားတဲ့ ခီဗီယော ကတော့ ဒီမနက်မှာ သူ့ရဲ့ပိုလန် စီနီယာ ကစားသမား ဘဝ ပထမဆုံး သွင်းဂိုးကို ရရှိ သွားခဲ့ပါတယ် ။ ရာသီပိတ် နောက်ဆုံး ပွဲမှာ အာဆင်နယ် ကစားသမား ဘဝ ပထမဆုံး သွင်းဂိုး ရခဲ့တဲ့ ခီဗီယော ဟာ ဒီမနက် ဂျာမနီ နဲ့ ခြေစမ်းပွဲ မှာလည်း ပိုလန် အသင်းအတွက် တစ်လုံးတည်းသော အနိုင်ဂိုး ကို သွင်းယူ ပေးခဲ့တာပါ ။
အာဆင်နယ် အသင်း ရဲ့ဂန္တဝင် တိုက်စစ်မှူးကြီး အီရန်ရိုက် ဟာ သူ့ရဲ့ ပြောင်မြောက် ထူးချွန်လှတဲ့ ဘောလုံး အားကစားအပေါ် အကျိုးပြုမှုတွေ ၊ပရဟိတ ဆောင်ရွက်မှုတွေကြောင့် အင်္ဂလန် ဘုရင် ချားလ်စ် က OBE ဘွဲ့ ဂုဏ်ပြု ပေးအပ် ချီးမြှင့် လိုက်ပါတယ် ။
အာဆင်နယ် အသင်းဟာ ဟာဗက်ဇ် အတွက် ချဲလ်ဆီး အသင်းထံ ပေါင် ၅၅ သန်း နဲ့ ကမ်းလှမ်းမှု ပြုလုပ်ခဲ့ပေမယ့် ငြင်းဆန် ပယ်ချ ခံခဲ့ရပါတယ် ။ ဟာဗက်ဇ် ကို ခေါ်ယူဖို့ ဘိုင်ယန်မြူးနစ် အသင်းကလည်း အမှန်တကယ် စိတ်ဝင်စားလာခဲ့ပြီ ဖြစ်ပြီး ခုချိန်ထိတော့ အသင်း နှင့် ကစားသမား ဘယ်သူ့ကိုမှ တိုက်ရိုက် ပြောဆိုမှု မလုပ်သေးဘဲ အာဆင်နယ်ရဲ့ အခြေအနေကို အကဲခတ်စောင့်ကြည့် နေပါတယ် ။
အာဆင်နယ် နှင့် ဟာဗက်ဇ် ကြားမှာတော့ သဘောတူညီမှု ရလုရခင် ဖြစ်နေပြီ ဖြစ်ပြီး ဂျာမန်သားဟာ အာဆင်နယ် ကို ပြောင်းဖို့ စိတ်အား ထက်သန် နေပါတယ် ။ အာဆင်နယ် နှင့် ချဲလ်ဆီးကြားမှာတော့ ခုထက်ထိ သဘောတူညီမှု မရကြသေးပါဘူး ၊ အာဆင်နယ် အသင်းဟာ ဟာဗက်ဇ် အတွက် နောက်တစ်ကြိမ် ကမ်းလှမ်းဖို့ ပြင်ဆင် နေတယ်လို့လည်း သိရပါတယ် ။ ချဲလ်ဆီး ကတော့ ခုချိန်ထိ ဟာဗက်ဇ် အတွက် ပေါင် ၇၅ သန်း အလိုရှိနေဆဲပါ ။
အာဆင်နယ် အသင်းဟာ ကိုင်စီဒို ကို စိတ်မဝင်စားတော့တဲ့နောက် ဆောက်သမ်တန် ကွင်းလယ်လူ လာဗီယာ ကို စိတ်ဝင်စားနေပါတယ် ။ အာတီတာဟာ အသင်းကွင်းလယ်ကို ကြံ့ခိုင်မှု အားကောင်းတဲ့ ကစားသမားတွေနဲ့ တည်ဆောက်ချင် နေတာ ဖြစ်ပြီး ၁၉ နှစ်သားလေးကို ပစ်မှတ် ထားနေတာပါ ၊ လာဗီယာ အတွက် ဆောက်သမ်တန် က ပေါင် ၄၅ သန်း တန်ကြေး သတ်မှတ်ထားပါတယ် ။
