အသင်းတွင် ပုံမှန်နေရာမရရှိသည့်အခြေအနေနှင့် ပတ်သက်၍ နည်းပြ ဆိုးလ်ရှားနှင့် ဆွေးနွေးရန် ဗန်ဒယ်ဘိခ် ဆန္ဒရှိ

မန်ယူအသင်း၏ နယ်သာလန်ကွင်းလယ်ကစားသမား ဗန်ဒယ်ဘိခ်သည် အသင်းတွင် ပုံမှန်နေရာမရရှိသည့်အခြေအနေနှင့် ပတ်သက်၍ နည်းပြ ဆိုးလ်ရှားနှင့် ဆွေးနွေးရန် ဆန္ဒရှိနေကြောင်း သိရသည်။

မန်ယူအသင်းသည် ဗန်ဒယ်ဘိခ်ကို ပြီးခဲ့သည့်နွေရာသီတွင် အေဂျက်စ်အသင်းထံမှ ပေါင်သန်း(၄၀)ဖြင့် ခေါ်ယူခဲ့သော်လည်း ပရီးမီးယားလိဂ်၌ ပွဲထွက်ကစားသမားအဖြစ် (၄)ပွဲသာ အသုံးပြုခဲ့သည်။

ထို့ကြောင့် ဗန်ဒယ်ဘိခ်သည် လာမည့်ရာသီသစ်၌ ၎င်းအား မည်ကဲ့သို့ အခွင့်အရေးပေးသွားမည်ကို သိရှိရန်အတွက် ဆိုးလ်ရှားနှင့် ဆွေးနွေးလိုခြင်းဖြစ်ကြောင်း သိရသည်။