သတင်းတွေအရအေစီမီလန်နည်းပြဟောင်းပီအိုလီတစ်ယောက် အယ်လ်နာဆာအသင်းနည်းပြဖြစ်လာနိုင်ချေရှိနေတယ်လို့ သိရပါတယ်။
နွေရာသီအပြောင်းအရွှေ့အစတုန်းကအယ်လ်-အီတီဟက်အသင်းဟာအေစီမီလန်နည်းပြဟောင်းကိုခေါ်ယူဖို့ သဘောတူညီမှုရရှိခဲ့တာဖြစ်ပါတယ်။
ဒါပေမယ့်လည်းဆွေးနွေးမှုတွေမှာအဆင်မပြေခဲ့တဲ့နောက် ပီအိုလီဟာအယ်လ်နာဆာအသင်းထံပြောင်းရွှေ့တော့မှာဖြစ်ပါတယ်။
ပီအိုလီဟာအယ်လ်နာဆာအသင်းနည်းပြကက်စ်ထရိုနေရာမှာ အစားဝင်ဖို့ ထိပ်ဆုံးကရေပန်းစားနေပါတယ်။ ကက်စ်ထရိုဟာ အယ်လ်နာဆာအသင်းနဲ့ရာသီအစရလဒ်တွေဆိုးဝါးနေတာကြောင့် ရာထူးကနေအထုတ်ခံရဖို့များနေပါတယ်။
ကက်စ်ထရိုလက်အောက်မှာအယ်လ်နာဆာအသင်းဟာဆော်ဒီစူပါဖလားပြိုင်ပွဲမှာအယ်-ဟီလယ်အသင်းကို ၄-၁ နဲ့ အရေးနိမ့်ခဲ့သလိုဆော်ဒီလိဂ်အဖွင့်ပွဲမှာလည်းအယ်လ်-ရာအက်ဒ်အသင်းနဲ့ပွဲမှာအမှတ်လျော့ခဲ့တာဖြစ်ပါတယ်။
ပီအိုလီအနေနဲ့ အယ်လ်နာဆာကိုနည်းပြဖြစ်ခဲ့ရင် ရော်နယ်ဒိုနဲ့ပေါင်းဆုံမှာဖြစ်ပြီးလက်ရှိမှာတော့ အေစီမီလန် နဲ့ ၂၀၂၅ မတိုင်ခင်အထိစာချုပ်သက်တမ်းကျန်ရှိနေပါတယ်။
ဒါပေမယ့် အေစီမီလန်ရဲ့ဘဏ္ဍာရေးအခြေအနေကြောင့် အယ်လ်နာဆာအသင်းထံပြောင်းနိုင်တယ်လို့ သတင်းတွေကဆိုပါတယ်။
အယ်လ်နာဆာအသင်းဟာလာမယ့်သောကြာနေ့မှာအယ်လ်-အက်လီအသင်းနဲ့ရင်ဆိုင်ရမှာဖြစ်ပြီးကက်စ်ထရိုအနေနဲ့ ရာထူးမှာဆက်လက်ရှိနေနိုင်ဖို့ ရလဒ်ကောင်းအောင်လုပ်ဆောင်ရမှာဖြစ်ပါတယ်။
