ပြီးခဲ့တဲ့ပွဲစဉ်တွေရဲ့ လူစာရင်းမှာ မပါဝင်ခဲ့ပြီးနောက်မှာတော့ ပြင်သစ်အသင်းခေါင်းဆောင်ရဲ့အနာဂတ်အတွက် ဒက်စ်ချမ့်က အမ်ဘာပေကိုခေါ်ယူ ဆွေးနွေးသွားမှာဖြစ်ပါတယ်။
၂၀၁၈ ခုနှစ် ကမ္ဘာ့ဖလားရရှိခဲ့ပြီးကတည်းက အသင်းရဲ့ အရေးပါတဲ့ အခန်းကဏ္ဍမှာပါဝင်ခဲ့တဲ့ ရီးရဲလ်မက်ဒရစ်စူပါစတားဟာ အောက်တိုဘာနှင့် နိုင်ဘာလများမှာ ကစားခဲ့တဲ့ပွဲစဉ်တွေမှာ ပါဝင်ခဲ့ခြင်းမရှိခဲ့ပါဘူး။
ကနဦးမှာ သူက ဒဏ်ရာရရှိခဲ့တာဖြစ်ပြီး အသင်းနဲ့အတူပူးပေါင်းရေးထက် ပြန်လည်သက်သာဖို့ကိုသာ အာရုံစိုက်ထားတာဖြစ်ပါတယ်။ သို့သော်လည်း နောက်ဆုံးရွေးချယ်မှုကတော့ တိုက်စစ်မှူးကို ချန်လှပ်ခဲ့တာက ရွေးချယ်မှုတစ်ခုဖြစ်ပါတယ်လို့ ဒက်စ်ချမ့်က ရှင်းပြထားပါတယ်။
ယခုအခါမှာတော့ ဒက်စ်ချမ့်ဟာ ရီးရဲလ်မက်ဒရစ်ကြယ်ပွင့်နဲ့ စကားပြောဆိုဖို့ အစီအစဉ်ရှိနေပြီး ပြင်သစ်အသင်းခေါင်းဆောင်အဖြစ် သူ့ရဲ့အနာဂတ်ကို ဆွေးနွေးဖို့ အစီအစဉ်ရှိတယ်လို့ သတင်းတွေအရ သိရကာ သူ့ရဲ့ နိုင်ငံတကာကစားသမားဘဝက နောက်ထပ်အတားအဆီးတစ်ခု ဖြစ်နေပါတယ်။
L’Equipe ရဲ့ အဆိုအရ နည်းပြဟာ အသင်းခေါင်းဆောင်ရဲ့ ဝန်ထုပ်ဝန်ပိုးက အတားဆီး ရှိ၊ မရှိ သိရှိရန် အမ်ဘာပေနှင့် ဆွေးနွေးရန် ရည်ရွယ်ထားကြောင်း သိရပါတယ်။ အမ်ဘာပေမပါဝင်ခဲ့တဲ့ ပွဲစဉ်တွေမှာ အသင်းခေါင်းဆောင်ရာထူးကို ကန်တေ၊ ချူအာမီနီနှင့် ကိုနာတေတို့က တစ်လှည့်စီ တာဝန်ယူခဲ့ပါတယ်။
ပြင်သစ်နည်းပြတွေကတော့ လီဗာပူးခံစစ်မှူး ကိုနာတေရဲ့ ဦးဆောင်မှုကို အထူးသဘောကျနေကြတာဖြစ်ပါတယ်။ လက်ရွေးစင်အသင်းတွင် စတင်နေရာယူထားနိုင်သရွေ့ အနာဂတ်တွင် နိုင်ငံအသင်းရဲ့ အလားအလာရှိ အသင်းခေါင်းဆောင်တစ်ဦးအဖြစ် လျာထားခံရခြင်းအပေါ် ကိုနာတေက အလွန်သဘောကျနေပါတယ်။
အသက် ၂၅ နှစ်အရွယ်ကစားသမားဟာ တနင်္ဂနွေနေ့ညက နေးရှင်းလိဂ်ပွဲစဉ်အဖြစ် အီတလီကို ၃-၁ ဂိုးဖြင့် အနိုင်ရရှိခဲ့တဲ့ ပွဲစဉ်တွင် အသင်းခေါင်းဆောင်အဖြစ် ကစားခဲ့ပြီး ရာဘီယော့နှင့် ဗီကာရီအိုရဲ့ ကိုယ့်ဂိုးကိုယ်သွင်းမှုအကြောင့် အနိုင်ရရှိခဲ့တာဖြစ်ပါတယ်။
ဒီလအစောပိုင်းက သူ့လူစာရင်းကို ကြေငြာအပြီးမှာ ဒက်စ်ချမ့်က “ကျွန်တော် အမ်ဘာပေနဲ့ ဆွေးနွေးမှု နှစ်ကြိမ်ရှိခဲ့ပြီး ဒီတစ်ကြိမ်မှာ သူ့ကိုထားခဲ့ဖို့ ဆုံးဖြတ်ချက် ချခဲ့ပါတယ်”
“ကျွန်တော်ပြောနိုင်တာက ဒီနှစ်ခုပါပဲ။ တစ်ခုက အမ်ဘာပေက အသင်းသို့လာချင်နေတာပါ။ ဒုတိယတစ်ခုက အပြစ်ကင်းစင်တယ်လို့ယူဆချက် ရှိနေရမှာဖြစ်လို့ ဒါကပြဿနာမဟုတ်ပါဘူး။ ဒီစုဝေးမှုအတွက် တစ်ခုတည်းသော ရွေးချယ်မှုတစ်ခုပါပဲ” လို့ ပြောပါတယ်။
L’Equipe ရဲ့အဆိုအရ အမ်ဘာပေနှင့်နီးစပ်သောသတင်းရင်းမြစ်များက ဒက်စ်ချမ့်ရဲ့ပြောဆိုချက်များကို စိန်ခေါ်ခဲ့ပြီးအခြေအနေက ပိုမိုရှုပ်ထွေးနေတယ်လို့ အခိုင်အမာပြောကြားခဲ့ပါတယ်။
သတင်းရင်းမြစ်က “ဒါဟာ မမှန်ပါဘူး ဒါမှမဟုတ် အမှန်တရားနဲ့ မပြည့်စုံပါဘူး။ အဲဒါထက် အများကြီး ပိုရှုပ်ထွေးပါတယ်”
“နည်းပြရဲ့ ဆုံးဖြတ်ချက်ကို လူတွေက ယုံအောင်လုပ်တာ မှားတယ်။ ဒါပေမယ့် အရေးကြီးဆုံးအချက်ကတော့ အမ်ဘာပေဟာ ဘောလုံးကစားရင်း ပျော်ရွှင်မှုကို ပြန်လည်ရှာဖွေတွေ့ရှိနိုင်တာပဲဖြစ်ပါတယ်။ ကျန်တာတွေကတော့ နောက်ကနေလိုက်လာမှာပါ” လို့ ပြောပါတယ်။
သို့သော်လည်း အစ္စရေးနှင့် သရေကျပြီးနောက်တွင် ဒက်စ်ချမ့်က သူနှင့် ရီးရဲလ်မက်ဒရစ်ကြယ်ပွင့်တို့ကြား ပြဿနာမရှိကြောင်း ထပ်လောင်းပြောဆိုခဲ့ပါတယ်။
“အရေးယူထားတာမရှိပါဘူး” လို့ ပွဲအပြီးတွင် ဒက်စ်ချမ့်စ်က အသင်းခေါင်းဆောင် မပါဝင်ခြင်းအတွက် မေးမြန်းခြင်းအပေါ် ပြန်ဖြေပါတယ်။
“ဒါဟာ ရှုပ်ထွေးတဲ့ အခြေအနေမှာ ရှိနေတာ အမှန်ပါပဲ။ ကျွန်တော်က သူ့နောက်မှာရှိပါတယ်။ သူ့ ကစားသမားဘဝရဲ့ အပျော်ရွှင်ဆုံးမဟုတ်တဲ့ ကာလတစ်ခုကို ဖြတ်သန်းနေရတာပါ။ လာချင်တယ်လို့ ထပ်ပြောထားပါတယ်။ ဒါပေမယ့် အခုချိန်မှာ ဒါက သူ့အတွက် ပိုကောင်းတယ်လို့ ကျွန်တော်ထင်ပါတယ်” လို့ နည်းပြက ဆက်လက်ပြောပါတယ်။
“လူတိုင်းဟာ ရှုပ်ထွေးတဲ့ကာလကို ပိုင်ဆိုင်ခွင့်ရှိပါတယ် ရုပ်ပိုင်းဆိုင်ရာ၊ စိတ်ပိုင်းဆိုင်ရာ ရှုထောင့်တွေဆိုတာလည်း ရှိပါတယ်”
“ကျွန်တော်ပြောသည်ဖြစ်စေ မပြောသည်ဖြစ်စေ အဓိပ္ပာယ်ဖွင့်ဆိုမှုများစွာက အမြဲရှိနေမှာပါ။ ကျွန်တော့်စကားတွေကို ချိန်ဆဖို့ သတိထားပါတယ် ဒါပေမယ့် ဘယ်ကိုမှ ဦးတည်စေမယ့် အငြင်းအခုံတွေကို မပြောချင်ပါဘူး” လို့ နည်းပြက ပြောပါတယ်။
