ချဲလ်ဆီး အသင်း ဟာ လာမယ့် ဘောလုံး ရာသီသစ် အတွက် ကစားသမားသစ် ဖြည့်တင်းမှု အဖြစ် အေဂျက်ဇ် အသင်း မှ ဟာကင် ဇီယက်ချ် ၊ လစ်ပ်ဇစ် အသင်း မှ တီမို ဗာနာ တို့ကို ခေါ်ယူခဲ့ပြီးနောက် နောက်ထပ် ကြယ်ပွင့် ကစားသမား တဦး ကိုလည်း ခေါ်ယူနိုင်ဖို့ အလွန့်အလွန် ကို နီးစပ်နေပါပြီ ။
သူ ကတော့ လေဗာကူဆင် အသင်း က လူငယ် ကွင်းလယ် တိုက်စစ် ကစားသမား ကိုင်ဟာဗက်ဇ် ဖြစ်ပါတယ် ။ ပေါင်သန်း ၇၀ ဝန်းကျင် တန်ကြေးရှိတဲ့ ဟာဗက်ဇ် ဟာ လာမယ့် သြဂုတ်လ အတွင်း မှာ ချဲလ်ဆီး အသင်း ကို ပြောင်းရွှေ့လာတော့မယ် လို့ ဆိုရှယ် မီဒီယာတွေ ပေါ်မှာ ပြန့်နှံ့နေတဲ့ ၎င်းရဲ့ အစ်မ ဖြစ်သူ နဲ့ မိတ်ဆွေ တဦး ဖြစ်သူတို့ရဲ့ instagram chat ဓာတ်ပုံ အရ သိရပါတယ် ။
ဒါ့အပြင် ပြီးခဲ့တဲ့ ရက်သတ္တပတ် အတွင်းကပဲ ဘိုင်ယန်မြူးနစ် အသင်းသားသစ် ဖြစ်လာတဲ့ ဂျာမနီ လက်ရွေးစင် တောင်ပံ ကစားသမား လီရွိုင်း ဆာနေး ကလည်း ၎င်းရဲ့ လက်ရွေးစင် အသင်းဖော် ဟာဗက်ဇ် ချဲလ်ဆီး အသင်း ဆီကို ပြောင်းရွှေ့တော့မယ် ဆိုတဲ့ အကြောင်း သွယ်ဝိုက် အတည်ပြု ပြောဆိုခဲ့ပါတယ် ။
ချဲလ်ဆီး အသင်း ဟာ ဟာဗက်ဇ် ကို ခေါ်ယူဖို့ ပုဂ္ဂိုလ်ရေး သဘောတူညီမှု ရရှိထားတာ သေချာ သလောက် ရှိနေပြီး ၊ ကလပ် ၂သင်း အကြား အခြား အပြောင်းအရွှေ့ ဆိုင်ရာ အချက်အလက် တွေမှာ သဘောတူညီမှု ရပြီးတာနဲ့ ဒီရာသီ အကုန်မှာ အပြောင်းအရွှေ့ ဖြစ်မြောက်ကြောင်း တရားဝင် ကြေညာဖို့ အလားအလာ များနေပါတယ် ။
ဟာဗက်ဇ် ဟာ ချဲလ်ဆီး အသင်း နဲ့သာ သတင်းတွေ ထွက်နေခဲ့တာ မဟုတ်ပဲ ၊ အခြား ဥရောပ အင်အားကြီး ကလပ် တွေ ဖြစ်တဲ့ ရီးရဲလ်မက်ဒရစ် ၊ ဘိုင်ယန်မြူးနစ် ၊ လီဗာပူး အစရှိတဲ့ အသင်း တွေရဲ့ စိတ်ဝင်စားမှု ကိုလည်း အကြီးအကျယ် ရရှိခဲ့တဲ့ ကြယ်ပွင့် တဦး ဖြစ်ပါတယ် ။
လက်ရှိ လေဗာကူဆင် အသင်း ရဲ့ လူငယ် ကွင်းလယ် တိုက်စစ် ကစားသမား တဦးလည်း ဖြစ် ၊ ဟာဗက်ဇ် ရဲ့ အသင်းဖော် တဦးလည်း ဖြစ်တဲ့ နာဒီယမ် အမီရီ က ၎င်းတို့ဟာ လေ့ကျင့်ရေး အစီအစဉ် တွေမှာ ဟာဗက်ဇ် ကို ချဲလ်ဆီး နဲ့ အပြောင်းအရွှေ့ သတင်းတွေ ထွက်နေခြင်း ကို မကြာခဏ စနောက် ဖြစ်ကြကြောင်း ဖွင့်ဟလာပါတယ် ။
Sport 1 နဲ့ တွေ့ဆုံခဲ့တဲ့ အင်တာဗျူး မှာ အမီရီ က ” အပြောင်းအရွှေ့ အကြောင်းနဲ့ ပတ်သက်ပြီးတော့ အခုအချိန် မှာ ကျွန်တော် ဘာတခုမှ ထွေထွေထူးထူး မပြောချင်ပါဘူး ။ လေ့ကျင့်ရေး အစီအစဉ် တွေမှာ ကျွန်တော် တို့ အားလုံး အေးအေးဆေးဆေး ပုံမှန် အတိုင်း လေ့ကျင့်နေကြပါတယ် ။ ”
” ဘယ်သူကမှ ကိုင် ကို ‘ မင်း အခုတလော ဘာတွေလုပ်နေလဲ ? ‘ ဆိုတာမျိုး မမေးကြပါဘူး ။ ချာတိတ် ဟာ သူ့ကိစ္စ သူကောင်းကောင်း ကိုင်တွယ် ဖြေရှင်းနိုင်ပါတယ် ။ နောက်ပြီး အပြောင်းအရွှေ့ အတွက် သူ မှန်ကန်တဲ့ ဆုံးဖြတ်ချက် ချဖို့ ကျွန်တော် မျှော်လင့်ပါတယ် ။ အပြောင်းအရွှေ့ ကောဟလ တွေနဲ့ ပတ်သက်ပြီးတော့ ကျွန်တော် တို့ဖက်က သူ့ကို နည်းနည်းပါးပါး စနောက်တာတွေတော့ ရှိတာပေါ့ဗျာ ။ ”
” ဒါပေမယ့် အခု လောလောဆယ် ကျွန်တော် တို့ဟာ ကိုင် ကို လိုအပ်ပါတယ် ။ သူ့ကို ဒီအတိုင်း လွှတ်ထားပေးလိုက်ပါ ။ ” လို့ ပြောကြားခဲ့ပါတယ် ။ ဟာဗက်ဇ် ရဲ့ လေဗာကူဆင် အသင်း ဟာ သြဂုတ်လ ၆ရက်နေ့မှာ ရိန်းဂျားစ် အသင်း နဲ့ ယူရိုပါလိဂ်ပွဲ ကို ဆင်နွှဲစရာ ရှိနေပြီး ၊ လေဗာကူဆင် ဖက်ကတော့ ယူရိုပါလိဂ် ပြိုင်ပွဲ ပြီးသည်အထိ ဟာဗက်ဇ် ကို ဆက်လက် ထိန်းသိမ်းသွားလိုနေတယ် လို့လည်း သိရပါတယ် ။
