အာဆင်နယ်အသင်းက တစ်ပတ်လစာ ပေါင်တစ်သိန်း၊ သုံးနှစ်စာချုပ်ဖြင့် ကမ်းလှမ်းထားပြီး သဘောတူညီမှုရရန် နီးစပ်နေကြောင်း သတင်းများထွက်ပေါ်နေစဉ် လမ်းပတ်၏ မှတ်ချက်စကားကြောင့် အပြောင်းအရွှေ့ဖြစ် ပေါ်ရန် ပိုမိုနီးစပ်လာခြင်းဖြစ်သည်။
ချယ်လ်ဆီးအသင်းနည်းပြ လမ်းပတ်က ယခုနွေရာသီတွင် တောင်ပံကစားသမား ဝီလီယံထွက်ခွာသွားပါက စိတ်ပျက်နေမည်မဟုတ်ဟု ထုတ်ဖော်ပြောကြားခဲ့သောကြောင့် လန်ဒန်မြို့ခံပြိုင်ဘက် အာဆင်နယ်အသင်း သို့ရောက်ရှိရန် ပိုမိုနီးစပ်လာပြီဖြစ်ကြောင်း ဗြိတိန်သတင်းဌာနများစွာက ဖော်ပြလျက်ရှိသည်။
အသက် ၃၁ နှစ်ရှိပြီဖြစ်သည့် ဘရာဇီးလ်လက်ရွေးစင် ဝီလီယံ၏ စာချုပ်သက်တမ်းမှာ ဇွန် ၃၀ ရက်ကတည်းက ကုန်ဆုံးသွားပြီဖြစ်ပြီး ချန်ပီယံလိဂ်ပြိုင်ပွဲပြီးဆုံးချိန်အထိ ကာလတို သက်တမ်းတိုးထားခြင်းဖြစ်သည်။ ချယ်လ်ဆီးအသင်းက နှစ်နှစ်သက်တမ်းတိုးစာချုပ်ဖြင့် ကမ်းလှမ်းသော်လည်း ၎င်းက သုံးနှစ် ချုပ်ဆိုရန် ဆန္ဒရှိသဖြင့် သဘောတူညီမှုမရဘဲ ကြန့်ကြာနေခြင်းဖြစ်သည်။ ၎င်းအား အာဆင်နယ်အသင်းက တစ်ပတ်လစာ ပေါင်တစ်သိန်း၊ သုံးနှစ်စာချုပ်ဖြင့် ကမ်းလှမ်းထားပြီး သဘောတူညီမှုရရန် နီးစပ်နေကြောင်း သတင်းများထွက်ပေါ်နေစဉ် လမ်းပတ်၏ မှတ်ချက်စကားကြောင့် အပြောင်းအရွှေ့ဖြစ် ပေါ်ရန် ပိုမိုနီးစပ်လာခြင်းဖြစ်သည်။
လမ်းပတ်က “သူထွက်သွားမလားဆိုတာနဲ့ပတ်သက်ပြီး ကျွန်တော့်ဆီမှာ အဖြေမရှိပါဘူး။ ဘာဖြစ်လို့လဲဆိုတော့ အခုအချိန်မှာ ဝီလီယံက ကျွန်တော်တို့ကစားသမားအဖြစ် ရှိနေသေးလို့ပါ။ ဒီအခြေအနေမှာ အားလုံးအတွက် စိတ်ပျက် ရတယ်ဆိုတာက အရေးမကြီးတော့ပါဘူး။ အသင်းအနေနဲ့ပြောရရင် ကျွန်တော်တို့ဘက်က အစွမ်းကုန်ကြိုးစားပြီးပါပြီ။ သူနဲ့ ကျွန်တော့်အကြား ဆက်ဆံရေးကလည်း နီးကပ်မှု ရှိပါတယ်။ တကယ်လို့ သူထွက်ခွာသွားရင်လည်း စိတ်ပျက်ရတဲ့ခံစားချက်မျိုး ကျွန်တော့်ဆီမှာ မရှိပါဘူး” ဟု ပြောကြားခဲ့သည်။
ဝီလီယံသည် ၂၀၁၃ ခုနှစ် နွေရာသီတွင် ရုရှားကလပ် အန်ဇီအသင်းမှ ချယ်လ်ဆီးအသင်းသို့ ရောက်ရှိလာသူဖြစ်ပြီး ခုနစ်ရာသီ အတွင်း ပြိုင်ပွဲစုံ ၃၃၉ ပွဲကစား ၆၃ ဂိုးသွင်းယူ ပေးထားသည်။
