လေဗာကူဆင်ကစားသမား မူဆာဒီယာဘီကို ပရီးမီးယားလိဂ်ထိပ်သီးများ အပြိုင်လိုက်

လေဗာကူဆင်အသင်းမှ ပြင်သစ်တောင် ပံကစားသမား မူဆာဒီယာဘီကို ပရီးမီးယားလိဂ်ထိပ်သီးအသင်းများ အပြိုင်လိုက်နေ ကြောင်း သိရသည်။

မူဆာဒီယာဘီ(၂၃ နှစ်)သည် PSG အကယ်ဒမီမှ ထွက်ပေါ်လာသည့် ကစားသမားဖြစ်ပြီး ၂၀၁၉ ခုနှစ်တွင် လေဗာကူဆင်အသင်းသို့ ရောက်ရှိခဲ့ခြင်းဖြစ်သည်။ 

၎င်းသည် လက်ရှိအချိန်၌ လေဗာကူဆင်အသင်းအတွက် ပြိုင်ပွဲစုံ (၁၇၂)ပွဲ ယှဉ်ပြိုင်ကစားရာတွင် (၄၉)ဂိုးသွင်းယူကာ ဂိုးဖန်တီးမှု (၄၈)ကြိမ် ပြုလုပ်ပေးထားကြောင်း သိရသည်။ 

ထို့ကြောင့် ၎င်း၏ တိုုက်စစ်စွမ်းရည်ကို ပရီးမီးယားလိဂ်ထိပ်သီးအသင်းများ ဖြစ်သည့် အာဆင်နယ်၊ မန်ယူနှင့် နယူးကာ ဆယ်အသင်းများက သဘောကျနေပြီး ခေါ်ယူရန် အပြိုင်ကြိုးပမ်းနေကြောင်း သိရသည်။ 

ဂျာမန်သတင်းစာ Bild ၏ ဖော်ပြချက်အရ မူဒီယာဘီကလည်း ပရီးမီးယားလိဂ်သို့ ပြောင်းရွှေ့ကစားရန် သို့မဟုတ် အသင်းဟောင်း PSG တွင် ပြန်ကစားရန် ဆန္ဒရှိနေကြောင်း သိရသည်။

ယင်းအခြေအနေတွင် လေဗာကူဆင်အသင်းက မူဆာဒီယာဘီအတွက် ပြောင်းရွှေ့ကြေးကို ပေါင်(၆၅)သန်းအထိ ရရှိရန် မျှော်လင့်နေပြီး အနည်းဆုံး ပေါင်သန်း(၅၀)ကျော်ရရှိမှသာ ရောင်းထုတ်ဖွယ်ရှိကြောင်း သိရသည်။ 

လေဗာကူဆင်အသင်းနှင့် မူဆာဒီယာဘီ၏ စာချုပ်သက် တမ်းမှာ ၂၀၂၅ ခုနှစ်တွင် ကုန်ဆုံးမည်ဖြစ် ကြောင်း သိရသည်။