လီဝန်ဒေါစကီး၏ အင်တာဗျူးတွင် ကလော့ပ်နှင့် လူကာကူကို ဝေဖန်ခဲ့ဟု ကာရေဂါ နောက်ပြောင်ပြီး စကားပြန်လုပ်ခဲ့

အမေရိကန် နာမည်ကြီးရုပ်သံတစ်ခုဖြစ်သည့် CBS Sports အတွက် Pundit လုပ်ခဲ့သည့် ကာရေဂါသည် လီဝန်ဒေါစကီး၏ ပိုလန်ဘာသာဖြင့်ပြုလုပ်ခဲ့သည့် အင်တာဗျူးတွင် ကလော့ပ်နှင့် လူကာကူတို့ကို ဝေဖန် ခဲ့သည်ဟု နောက်ပြောင်ပြီး စကားပြန်လုပ်ခဲ့သည်။

Sky Sports သည် ၎င်းတို့၏ ဘောလုံးပွဲသုံးသပ်သူများကို အခြားပြိုင်ဘက်ကုမ္ပဏီများတွင် ကာလတိုအလုပ်လုပ်ခွင့်ပေးလိုက်ပြီးနောက် CBS Sports တွင် ကာရေဂါက ပါဝင်လာခဲ့ခြင်းဖြစ်ပြီး သုံးသပ်မှု၏ အစိတ် အပိုင်းတစ်ခုတွင် လီဝန်ဒေါစကီး၏ အင်တာဗျူးအစီအစဉ်လည်း ပါဝင်ခဲ့သည်။

လီဝန်ဒေါစကီးသည် ပိုလန်ဘာသာစကားဖြင့် အင်တာဗျူးလုပ်ခဲ့ခြင်းဖြစ်ရာ ကာရေဂါက သူပြောသည့်စကားများကို နားလည်သည့်ပုံစံလုပ်ပြီး ”သူ အရမ်းပျော်တယ်တဲ့။ သူ့ရဲ့ နောက်ဆုံးချန်ပီယံလိဂ်ဗိုလ်လုပွဲတုန်းက ဘိုင်ယန်မြူးနစ်ကို ရှုံးခဲ့တာကို မယုံနိုင်အောင်ဖြစ်ခဲ့ပြီး အဲဒီအတွက် အဲဒီအချိန်က ဒေါ့မွန်နည်းပြ ကလော့ပ်ကို သူက အပြစ်တင်တယ်။ အဲဒီအချိန်က သူ အခုလောက် ဂိုးတွေသွင်းနိုင်အောင် ကလော့ပ် မလုပ်ပေးနိုင်ခဲ့ဘူး။ ပြီးတော့ ဒီနှစ် Ballon d’Or ဆုကို သူရသင့်တယ်လို့လည်း ထင်နေတယ်။ ပြီးတော့ ငါက ကမ္ဘာပေါ်မှာ အကောင်းဆုံး နံပါတ်(၉)ဆိုတာကို သက်သေပြနိုင်ခဲ့ပြီ၊ ဒီနေရာမှာအကောင်းဆုံးက လူကာကူမဟုတ်ဘူးလို့လည်း သူပြောခဲ့တယ်”ဟု ဆို ခဲ့ခြင်းဖြစ်သည်။