မန်ယူအသင်း၏ တောင်ပံကစားသမား ဒန်နီယဲလ်ဂျိမ်းစ်က ၎င်းငယ်စဉ် က လီဗာပူးလ်ပရိသတ်ဖြစ်ခဲ့သည်ဟု Sky Sports မှ ဘောလုံးသုံးသပ်သူတစ်ဦး ၏ ပြောကြားမှုကို မဟုတ်မှန်ကြောင်း တုံ့ပြန်ပြောကြားခဲ့သည်။
ဒန်နီယဲလ်ဂျိမ်းစ် က “မန်ယူနဲ့ ကျွန်တော် စာချုပ်ချုပ်ဆိုချိန်မှာ ဘယ်သူလဲ မမှတ်မိတော့တဲ့ Sky Sports က ဘောလုံးသုံးသပ်သူတစ်ယောက်က ကျွန်တော့်ကို လီဗာပူးလ်ပရိသတ်လို့ ဆိုခဲ့ပါတယ်။ ဒါ မဟုတ်ပါဘူး။ ထုတ်မပြောချင်ပေမဲ့ ကျွန်တော်က ချယ်လ်ဆီးအသင်းကို အားပေးခဲ့တာပါ။ ဆွမ်ဆီးမှာ ကစားတဲ့အချိန်အထိ ချယ်လ်ဆီးပရိသတ်ဖြစ်ခဲ့တာပါ”ဟု ပြောကြားခဲ့သည်။
ဒန်နီယဲလ်ဂျိမ်းစ်သည် ယခုရာသီတွင် မန်ချက်စတာယူနိုက်တက်အသင်းအတွက် ပြိုင်ပွဲစုံ ပွဲ ၂၀ ကစားထားပြီး ၅ ဂိုးသွင်းယူပေးထားသည်။
