ဘရန့်ဖို့ဒ် – နယူးကာဆယ် (မြန်မာစံတော်ချိန် ဒီဇင်ဘာလ ၂၃ ရက် နံနက် ဝဝးဝ၀ နာရီ)
နယူးကာဆယ်က ဒီပွဲပြီးရင် Boxing Day မှာ မန်စီးတီးအသင်းနဲ့ အဝေးကွင်းကစားရဖို့ရှိလို့ အရန်ကစားသမားတွေကို အသုံးပြုဖို့က သေချာသလောက်ပါပဲ။ ဘရန့်ဖို့ဒ်ကတော့ ပြီးခဲ့တဲ့ပွဲတွေတုန်းက ပရီးမီးယားလိဂ်အသင်းတွေကို ဖြုတ်ချလာတဲ့အသင်းပါ။ နယူးကာဆယ် မိနစ်(၉၀)အတွင်း မရှုံးနိုင်ဘူး။
အာဆင်နယ် – မန်စီးတီး (မြန်မာစံတော်ချိန် ဒီဇင်ဘာလ ၂၃ ရက် နံနက် ၂း၃၀ နာရီ)
အာဆင်နယ်အသင်းမှာ နည်းပြ အာတီတာရဲ့အနာဂတ်တွေက အတော်လေးမှေးမှိန်လာပြီ။ ပုံမှန်အတိုင်းဆိုရင် အာတီတာကလည်း အရင်အာဆင်နယ်နည်းပြအဆက်ဆက်လိုပဲ အရန်ကစားသမားတွေကို အခွင့်အရေးပေးတဲ့ပြိုင်ပွဲအဖြစ် လိဂ်ဖလားကို သတ်မှတ်ထားတာပါ။ ပြီးခဲ့တဲ့အဆင့်တွေမှာ အာဆင်နယ်က လက်စတာ၊ လီဗာပူးလ်အသင်းတို့လို အသင်း တွေနဲ့တွေ့ဆုံခဲ့ချိန်မှာတောင် အရန်တွေကို ဦးစားပေးပွဲထုတ်ခဲ့တာ တွေ့ရတယ်။ အာတီတာအဖို့ သူ့ရဲ့ကံကြမ္မာနဲ့ အလောင်းအစားထပ်ပြီး အစောပိုင်းအဆင့်ပွဲတွေလို ထပ်လုပ်ဖို့တော့ မရှိပါဘူး။ မန်စီးတီးက အသင်းကစားသမားတွေအကြား ကွာဟချက်နည်းလို့ ဘယ်သူတွေပဲသုံးသုံး ပြဿနာတော့မရှိပါဘူး။ မာရက်ဇ်၊ နာသန်အကီ၊ ဖိုဒန်တို့လို ကစားသမားတွေကတော့ ပွဲထွက်လူစာရင်းမှာ ပါဝင်လာနိုင်တယ်။ မန်စီးတီးက အရင်လောက် အရှိန်အဝါမမြင့်မားတော့ပေမဲ့ အသင်းမှာ ပွဲအဖြေပြောင်းပေးနိုင်သူတွေများလို့ အခက်အခဲမရှိနိုင်ပါဘူး။ တိုက်စစ်ပုံစံကောင်း မရသေးတဲ့ မန်စီးတီးက နောက်ဆုံးတွေ့ဆုံမှုတွေမှာလည်း အပြတ်အသတ်အသာစီးရထားတယ်။ မန်စီးတီးပဲ နိုင်ဖို့ များတယ်။
