လာလီဂါထိပ်သီးအသင်းများဖြစ်သည့် လာလီဂါအဖွဲ့ချုပ် (LFP) ၏ လစာကန့်သတ်ချက်ကြောင့် လစာငွေ လျှော့ချခဲ့ရကြောင်း သိရသည်။
LFP သည် စပိန်ထိပ်တန်းလိဂ်(၂)ခုဖြစ်သည့် လာလီဂါနှင့် ဆီဂန်ဒါအသင်းများ၏ ဘဏ္ဍာရေးကို ထိန်းသိမ်းနိုင်ရန်အတွက် ဝင်ငွေအပေါ်မူတည်ကာ လစာကန့်သတ်မှုစနစ်ကို ကျင့်သုံးလျက်ရှိသည်။
ထို့ကြောင့် ရီးယဲလ်အသင်းက မူလပေးချေနေသည့် တစ်နှစ်လစာငွေ ယူရို (၄၆၈)သန်းမှ ယူရိုသန်း (၄၂၀)သို့ လျှော့ချခဲ့ရပြီး ဘာစီလိုနာအသင်းက ယူရို (၃၈၂)သန်းမှ ယူရို (၃၄၇)သန်းနှင့် အက်သလက်တီကိုအသင်းက ယူရို(၂၅၂)သန်းမှ ယူရို (၂၁၈)သန်းသို့ လျှော့ချခဲ့ရကြောင်း သိရသည်။
ထို့ ပြင် ဘီလ်ဘာအို၊ ဆိုစီဒက်၊ ဗီလာရီးယဲလ်၊ အယ်လ်ချီ၊ ဆယ်လ်တာဗီဂို၊ ဗယ်လာဒိုလစ်၊ ဂရန်နာဒါ၊ အီဘာနှင့် ဟွယ်ဆကာတို့မှာလည်း လစာငွေလျှော့ချခဲ့ရပြီး ဗလင်စီယာ၊ အိုဆာဆူနာ၊ ကာဒစ်ဇ်၊ အလာဗတ်စ်နှင့် လီဗန်တေးတို့မှာမူ လစာငွေ အနည်းငယ် တိုးပေးခဲ့ရကြောင်း သိရသည်။
