ဂျူဗင်တပ်စ်အသင်း သမိုင်းကြောင်းတစ်လျှောက်၌မူ စီရော်နယ်လ်ဒိုသည် ၁၉၃၃-၃၄ ရာသီက ဖီးလစ်ဘိုရယ်လ် (၃၁ ဂိုး)၊ ၁၉၅၁-၅၂ ရာသီက ဂျွန်ဟန် ဆန် (၃၀ ဂိုး) ပြီးနောက် စီးရီးအေတစ်ရာသီအတွင်း အနည်းဆုံး ဂိုး ၃၀ နှင့်အထက် သွင်းယူနိုင်သူလည်း ဖြစ်လာခဲ့သည်။
ဂျူဗင်တပ်စ်တိုက်စစ်မှူး စီရော်နယ်လ်ဒိုက ဇူလိုင်လ ၂၀ ရက်က လာဇီယိုအသင်းအား (၂-၁)ဂိုးဖြင့် အနိုင်ရသည့်ပွဲအပြီးတွင် သူ၏တစ်ကိုယ်တော်စံချိန်များထက် အသင်းအောင်မြင်မှုရရန်သာ အရေးကြီးသည်ဟု ပြောကြားခဲ့သည်။ ဂျူဗင်တပ်စ်အသင်းသည် ယင်းပွဲအနိုင်ရရှိမှုကြောင့် ဘောလုံးရာသီပြီးဆုံးရန် လေးပွဲအလိုတွင် ဒုတိယနေရာမှ အင်တာမီလန်အသင်းနှင့် ရှစ်မှတ်အထိ ပြန်ကွာခဲ့ခြင်းဖြစ်သည်။
ယင်းပွဲတွင် ဂျူဗင်တပ်စ်အသင်းအတွက် စီရော်နယ်လ်ဒိုက ၅၁ မိနစ် ပယ်နယ်တီနှင့် ၅၄ မိနစ်တွင် နှစ်ဂိုးဆက်တိုက် သွင်းယူခဲ့ပြီး လာဇီယိုအသင်းအတွက် ဂိုးတစ်ဂိုးကို တိုက်စစ်မှူး အီမိုဘီလီက ၈၃ မိနစ်တွင် ပယ်နယ်တီမှပင် ပြန်လည်သွင်းယူခဲ့သည်။ စီရော်နယ်လ်ဒိုသည် ပရီးမီးယားလိဂ်၊ လာလီဂါနှင့် စီးရီး အေစသည့် ထိပ်တန်းလိဂ်ပြိုင်ပွဲ သုံးခုတွင် ဂိုး ၅၀ နှင့်အထက်သွင်းယူနိုင်သည့် ပထမ ဆုံးကစားသမားအဖြစ်လည်း မှတ်တမ်းဝင်ခဲ့သည်။
ထို့ပြင် စီးရီးအေသမိုင်းတွင်လည်း သွင်းဂိုး ၅၀ ကို ပွဲအနည်းဆုံးနှင့် အမြန်ဆုံး ပြည့်မြောက်သည့် ကစားသမားအဖြစ် မှတ်တမ်းသစ်ရေးထိုးခဲ့သည်။ ဂျူဗင်တပ်စ်အသင်း သမိုင်းကြောင်းတစ်လျှောက်၌မူ စီရော်နယ်လ်ဒိုသည် ၁၉၃၃-၃၄ ရာသီက ဖီးလစ်ဘိုရယ်လ် (၃၁ ဂိုး)၊ ၁၉၅၁-၅၂ ရာသီက ဂျွန်ဟန် ဆန် (၃၀ ဂိုး) ပြီးနောက် စီးရီးအေတစ်ရာသီအတွင်း အနည်းဆုံး ဂိုး ၃၀ နှင့်အထက် သွင်းယူနိုင်သူလည်း ဖြစ်လာခဲ့သည်။
“စံချိန်မှတ်တမ်းတွေက အမြဲတမ်းအ ရေးပါပါတယ်။ ဒါပေမဲ့ အရေးကြီးဆုံးအရာကတော့ အသင်းအောင်မြင်မှုရဖို့ပါပဲ။ ကျွန်တော်တို့အသင်းက အံ့အားသင့်စရာကောင်းတဲ့အသင်းပါ။ ဒါကို ဒီနေ့မှာ ထပ်မံပြသနိုင်ခဲ့ပါတယ်”ဟု စီရော်နယ်လ်ဒိုက Sky Sport Italia သို့ ပြောကြားခဲ့သည်။ ယင်းပွဲတွင် စီရော်နယ်လ်ဒိုသည် ပယ်နယ်တီတစ်ဂိုးသွင်းယူခဲ့ရာ ယခုရာသီ ပယ်နယ်တီကန်သွင်းမှု ၁၂ ကြိမ်စလုံး ဂိုးဝင်ခဲ့ပြီး စီးရီးအေသမိုင်းတစ်လျှောက် ဘောလုံးရာသီတစ်ရာသီအတွင်း ပယ်နယ်တီသွင်းဂိုးအများဆုံးကစားသမားအဖြစ်မှတ်တမ်းဝင်ရန် တစ်ဂိုးသာလိုအပ်ကာ အီမိုဘီလီမှာလည်း ပယ်နယ်တီ ၁၂ ဂိုးဖြင့် အပြိုင် ဖြစ်နေသည်။
