ချယ်လ်ဆီးအသင်း၏ စပိန်လက်ရွေးစင်ဂိုးသမား ကယ်ပါသည် ချယ်လ်ဆီးအသင်းတွင် သူ လက်ရှိရရှိနေသော လစာငွေထက် များစွာလျှော့ယူပြီး လာလီဂါ၌ ပြန်ကစားရန် ဆန္ဒရှိနေကြောင်း သိရှိရသည်။
ကယ်ပါ(၂၅ နှစ်) သည် လက်ရှိတွင် ချယ်လ်ဆီးအသင်း၌ တစ်ပတ်လစာငွေ ပေါင်(၁)သိန်းခွဲ ရရှိနေကြောင်း သိရှိရသည်။
၂၀၁၈ နွေရာသီအပြောင်းအရွှေ့ ကာလတွင် ချယ်လ်ဆီးအသင်းသို့ ရောက်ရှိလာသူ ကယ်ပါသည် အသင်းနှင့် (၆)နှစ်သက်တမ်းရှိစာချုပ် ချုပ်ဆိုထားခြင်းကြောင့် စာချုပ်သက်တမ်း (၄)နှစ် ကျန်ရှိနေသေးသည်။
ကယ်ပါသည် ပြီးခဲ့သည့် ၂၀၁၉-၂၀ ဘောလုံးရာသီတွင် အသင်း၏ပွဲစဉ်အချို့၌ အမှားများခဲ့သဖြင့် ချယ်လ်ဆီးအသင်းနည်းပြ လမ်းပတ်သည် သူ၏နေရာအစားထိုးရန် ဂိုးသမားသစ် ရှာဖွေနေကြောင်း သတင်းများထွက်ပေါ်နေသည်။
ပြီးခဲ့သည့်ပရီးမီးယားလိဂ်ရာသီပိတ်ပွဲစဉ် ဝုလ်ဗ်နှင့်ပွဲတွင် သူ၏နေရာ၌ ၀ါရင့်ဂိုးသမား ကာဘယ်လာရိုကို ပွဲထွက်ခွင့်ပေးခဲ့ကြောင်း သိရသည်။
ကယ်ပါသည် ချယ်လ်ဆီးအသင်းအတွက် ပြိုင်ပွဲစုံ(၉၆)ပွဲ ကစားပေးထားသည်။
