ပေါ်တူဂီတိုက်စစ်မှူး ရော်နယ်ဒို၏ ဆော်ဒီဘောလုံးခရီးအစသည် အခက်အခဲများနှင့် ရင်ဆိုင်နေရပြီး အသင်းဖော် ဂက်စတာဗိုက ထိုကိစ္စနှင့် ပတ်သက်၍ ပြောဆိုမှုတချို့ပြုလုပ်သွားသည်။ ရော်နယ်ဒိုကို မျှော်လင့်တကြီးဖြင့် အယ်လ်နက်ဆာကလပ်အသင်းက ခေါ်ယူခြင်းဖြစ်သော်လည်း ရော်နယ်ဒိုသည် ယခုအချိန်အထိ အသင်းအတွက် တစ်ဂိုးသားသွင်းပေးထားနိုင်သည်။
ရော်နယ်ဒို၏ အသင်းဖော် ဘရာဇီးလက်ရွေးစင်ဟောင်း ဂက်စတာဗို ရော်နယ်ဒိုသည် သူနှင့်အတူ အခြားအသင်းဖော်များကို ကစားရပိုမိုခက်ခဲစေကြောင်း ဂက်စတာဗိုက ထုတ်ဖော်ပြောဆိုလိုက်သည်။ ထို့ပြင် အခြားအသင်းများကလည်း ရော်နယ်ဒိုရောက်လာသောကြောင့် အယ်လ်နက်ဆာ အသင်းကိုပစ်မှတ်ထား၍ ပိုမိုယှဉ်ပြိုင်လာကြကြောင်း ဂက်စတာဗိုက ပြောဆိုလိုက်သည်။
မကြာမီက အသက် ၃၈ နှစ်ပြည့်သွားပြီဖြစ်သော ရော်နယ်ဒိုနှင့် ဘရာဇီးလက်ရွေးစင်ဟောင်း ဂက်စတာဗိုတို့သည် အယ်လ်ဖာတက်ချ်ကို နှစ်ဂိုးစီသရေကျသော ပွဲတွင် အတူတွဲကစားခဲ့ပြီး ထိုပွဲတွင် ရော်နယ်ဒိုက အယ်လ်နက်ဆာအတွက် ပထမဆုံးသွင်းဂိုးကို သွင်းယူပေးနိုင်ခဲ့သည်။
