ပရီးမီးယားလိဂ်ပြိုင်ပွဲ၌ ပွဲက စားစဉ်အတွင်း ရေသောက်အနားပေးချိန်များနှင့် ဂိုးအောင်ပွဲခံချိန်များတွင် ကစားသမားများသည် Social Distancing စည်းမျဉ်းစည်းကမ်းများကို လိုက်နာခြင်းမရှိဘဲ အနီးကပ်ထိတွေ့ မှုများပြုလုပ်နေကြရာ ဗြိတိန်အစိုးရ တာဝန်ရှိသူများက ပရီးမီးယားလိဂ် အဖွဲ့ချုပ်ကို သတိပေးခဲ့ကြောင်းသိရ သည်။
ပြီးခဲ့သည့် ဇွန်လ(၁၇)ရက်နေ့ မှစတင်၍ ပရီးမီးယားလိဂ်ပြိုင်ပွဲကို ပြန်လည်စတင်ကျင်းပလျက်ရှိရာ ကစားသမားများကို မောပန်းနွမ်းနယ်မှု သက်သာစေရန်အတွက် Water Break (ရေသောက်အနားပေးချိန်) ခွင့်ပြုပေးထားသည်။
ယင်းအချိန်တွင် နည်းပြအဖွဲ့က အသင်းသားများအား နည်းစနစ်ပိုင်းဆိုင်ရာ ညွှန်ကြားမှုများ ပြုလုပ်လေ့ရှိရာ ကစားသမားများနှင့် နည်းပြများကို တစ်စုတစ်စည်းတည်း မြင်တွေ့ရလေ့ရှိသည်။
ပရီးမီးယားလိဂ်အဖွဲ့ချုပ်သည် ဘောလုံးပွဲများပြန်လည်ကျင်းပခွင့်ရရှိရန်အတွက် ကြိုးပမ်းခဲ့စဉ်က ဘောလုံးပွဲများ၌ အစိုးရမှ သတ်မှတ်ထုတ် ပြန်ထားသော Social Distancing စည်းမျဉ်းစည်းကမ်းများနှင့်လုပ်ထုံး လုပ်နည်းများကို လိုက်နာသွားမည်ဟု ကတိပြုထားပြီး၊ ယခုလိုအပ်ချက်များ ရှိလာ၍ အစိုးရထံမှ သတိပေးချက် ရောက်ရှိလာခြင်းဖြစ်သည်။
Telegraph သတင်းစာတွင် ဖော်ပြခဲ့သောသတင်းအရ ပရီးမီးယားလိဂ်အဖွဲ့ချုပ်သည် ကလပ်အသင်းများထံ စာပေးပို့၍ အစိုးရ၏သတိပေးချက်ကို ထပ်ဆင့်အသိပေးခဲ့ကြောင်း သိရသည်။
