ရူဒီဂါကို ချယ်လ်ဆီးအသင်း ဆက်ထိန်းထားသင့်သည်ဟု အက်ရှ်လေကိုးလ် တိုက်တွန်းခဲ့ပြီး လီဗာပူးလ်အသင်း ခေါ်ယူသင့်သည်ဟု ဂျေမီရက်နက်ပ် အကြံပြု

အပြောင်းအရွှေ့သတင်းများ ထွက်ပေါ်နေသည့် ချယ်လ်ဆီးနောက်ခံလူ ရူဒီဂါနှင့်ပတ်သက်၍ အသင်း၏ ကစားသမားဟောင်း အက်ရှ်လေကိုးလ်က ဆက်ထိန်းထားသင့်သည်ဟု တိုက်တွန်းခဲ့ပြီး ဂျေမီရက်နက်ပ်ကမူ လီဗာပူးလ်အသင်းအနေဖြင့် ဗန်ဒိုက်နှင့်တွဲဖက်ပေးရန် ခေါ်ယူသင့်သည်ဟု အကြံပြုပြောကြားခဲ့သည်။

ဂျာမနီနောက်ခံလူ ရူဒီဂါ(၂၈ နှစ်)သည် ချယ်လ်ဆီးအသင်းနှင့် စာချုပ်သက်တမ်း (၆)လသာ ကျန်ရှိတော့သူဖြစ်ပြီး လာမည့်နွေရာသီတွင် ပြောင်းရွှေ့ကြေးအလွတ်ဖြင့် ထွက်ခွာခွင့်ရရှိမည်ဖြစ်သည်။

myan789

ထို့ကြောင့် ရီးယဲလ်နှင့် PSG အပါအဝင် ထိပ်သီးအသင်းများက ၎င်းကိုခေါ်ယူရန် စိတ်ဝင်စားနေကြကြောင်း သတင်းများထွက်ပေါ်ခဲ့သော်လည်း ကြိုတင်သဘောတူညီမှု ရယူနိုင်ပြီဖြစ်သည့် လက်ရှိအချိန်အထိ တရားဝင်ညှိနှိုင်းဆွေးနွေးမှု ပြုလုပ်ခြင်းမရှိသေးကြောင်း သိရသည်။

ယင်းအခြေအနေတွင် အက်ရှ်လေကိုးလ်က ”အသင်းရဲ့ ထိပ်တန်းကစားသမားတစ်ယောက်ကို အဆုံးရှုံးမခံသင့်ပါဘူး။ သူက ခံစစ်ရော တိုက်စစ်မှာပါ စွမ်းဆောင်ရည်ကောင်းမွန်တဲ့သူပါ”ဟု ပြောကြားခဲ့သည်။

ဂျေမီရက်နက်ပ်ကမူ ”ကျွန်တော်ကတော့ ကျွန်တော့်အသင်း လီဗာပူးလ်အတွက်ပဲ ကြည့်ပါတယ်။ သူက ဗန်ဒိုက်ရဲ့ အကောင်းဆုံးအတွဲအဖက် ဖြစ်လာနိုင်တဲ့သူပါ။ ဒီလိုကစားသမားကို ပြောင်းရွှေ့ကြေးအလွတ်နဲ့ ရရှိမှာကြောင့် လက်မလွှတ်သင့်ပါဘူး”ဟု ပြောကြားခဲ့သည်။

ရူဒီဂါသည် မြင့်မားသည့် လစာနှုန်းထားရရှိလိုခြင်းကြောင့် အသင်းပြောင်းရွှေ့ရန် စီစဉ်နေခြင်းဖြစ်သော်လည်း ချယ်လ်ဆီးအသင်းတွင် ဆက်ရှိနိုင်ခြေရှိကြောင်းလည်း သတင်းများထွက်ပေါ်နေသည်။

လက်ရှိလစာ တစ်ပတ်ပေါင် (၁)သိန်းသာရရှိနေသည့် ရူဒီဂါက ချယ်လ်ဆီးအသင်းတွင် ပေါင်(၂)သိန်းအထက်ရရှိပါက စာချုပ်သက်တမ်းတိုးဖွယ်ရှိသည်ဟု သိရသည်။

Similar Articles

Comments

LEAVE A REPLY

Please enter your comment!
Please enter your name here

Covid-19 Statistic

Myanmar
534,671
Total confirmed cases
Updated on January 28, 2022 11:27 am
Advertisment

Instagram

Most Popular

စပါးအသင်း၏ ကမ်းလှမ်းမှုအာ...

ဝုလ်ဗ်အသင်းမှ စပိန်တောင်...

အာဖရိကရွှေ့ပြောင်းလုပ်သား...

ကမ္ဘာ့ဘောလုံးအဖွဲ့ချုပ် ...

လူကာကူ၏ အင်တာဗျူးပြဿနာနော...

ချယ်လ်ဆီးအသင်း၏ နည်းပြဖြ...