ဘရာဇီးလ်နောက်ခံလူ မာဆယ်လိုက ရီးယဲလ်အသင်းမှ အောင်မြင်မှုများစွာနှင့် ခမ်းနားစွာနှုတ်ဆက်ထွက်ခွာရခြင်းအတွက် ဂုဏ်ယူမိကြောင်းပြောကြားခဲ့သည်။
မာဆယ်လိုသည် ရီးယဲလ်အသင်းကစားသမားဘဝတွင် ချန်ပီယံလိဂ် (၅)ကြိမ်နှင့် လာလီဂါချန်ပီယံဆု (၆)ကြိမ်အပါအဝင် ဆုဖလား (၂၅)ခုအထိ ပိုင်ဆိုင်ခဲ့သည်။
”ရီးယဲလ်အသင်းကနေ ထွက်ခွာရပြီဖြစ်လို့ စိတ်ပျက်ရပေမဲ့ အခုအချိန်ဟာ ကျွန်တော်တို့အတွက် ဝမ်းနည်းရမယ့်အချိန်မဟုတ်ပါဘူး။ ရီးယဲလ်ကစားသမားဘဝ အောင်မြင်မှုတွေအတွက် ဂုဏ်ယူပါတယ်” ဟု မာဆယ်လိုက ပြောကြားခဲ့သည်။
