ရီးယဲလ်အသင်းနည်းပြ ဇီဒန်းသည် ယိုဗစ်၏ အရည်အသွေးကို ယုံကြည်မှု လုံးဝကင်းမဲ့နေခြင်းမဟုတ်သော်လည်း ပုံမှန်နေရာရရှိရန်အတွက် အာမခံချက်မပေးနိုင်ဘဲ အငှားထွက်ကစားစေရန် ဆန္ဒရှိနေသည်။
အေစီမီလန်အသင်းသည် ရီးယဲလ်မက်ဒရစ်အသင်းတွင် ပုံမှန်နေရာရရှိရန် ရုန်းကန်နေရသည့် တိုက်စစ်မှူး ယိုဗစ်ကိုခေါ်ယူရန် စိတ်ဝင်စားနေကြောင်း သိရသည်။
ရီးယဲလ်အသင်းနည်းပြ ဇီဒန်းသည် ယိုဗစ်၏ အရည်အသွေးကို ယုံကြည်မှု လုံးဝကင်းမဲ့နေခြင်းမဟုတ်သော်လည်း ပုံမှန်နေရာရရှိရန်အတွက် အာမခံချက်မပေးနိုင်ဘဲ အငှားထွက်ကစားစေရန် ဆန္ဒရှိနေသည်။
ယိုဗစ်သည် အသင်းဟောင်း ဖရန့်ဖတ်တွင် ခြေစွမ်းပြဂိုးများသွင်းယူနိုင်ခဲ့သော်လည်း ရီးယဲလ်အသင်းသို့ရောက်ရှိချိန်တွင် ပုံမှန်ခြေစွမ်း ပျောက်ဆုံးပြီး (၁၇)ပွဲသာ ပွဲထွက်ခွင့် ရရှိထားသည်။
အေစီမီလန်အသင်းသည် အီဘရာဟီမိုဗစ်၏ နေရာတွင် ရေရှည်အစားထိုးရန်အထိရည်ရွယ်၍ ယိုဗစ်ကို စိတ်ဝင်စားနေခြင်းဖြစ်သော်လည်း အငှားစာချုပ်ဖြင့်သာ ဦးစွာခေါ်ယူသွားဖွယ်ရှိနေသည်။ အေစီမီလန်အသင်းတိုက်စစ်တွင် ကိုလွန်ဘို၊ လီယာအိုတို့ကဲ့သို့ လူငယ်ကြယ်ပွင့်များ ရှိနေသော်လည်း နည်းပြ ပီအိုလီက ထိပ်တန်းတိုက်စစ်မှူးတစ်ဦး အလိုရှိ နေကြောင်း သိရသည်။
