ရိန်းဂျားစ်နည်းပြ ဂျရတ်ကို အသင်းနည်းပြသစ်အဖြစ်ခန့်အပ်နိုင်ရန် ယခုအပတ်အတွင်း အက်စတွန်ဗီလာ ဆွေးနွေးမည်

နည်းပြလက်မဲ့ဖြစ်နေသည့် အက်စတွန်ဗီလာအသင်းသည် ရိန်းဂျားစ်အသင်းကို ကိုင်တွယ်နေသည့် ဂျရတ်ကို အသင်းနည်းပြသစ်အဖြစ် ခန့်အပ်နိုင်ရန်အတွက် ယခုတစ်ပတ်အတွင်း ဆွေးနွေးသွားဖွယ်ရှိကြောင်း Daily Mail သတင်းစာက ဖော်ပြခဲ့သည်။

အက်စတွန်ဗီလာအသင်းသည် နည်းပြ ဒင်းန်စမစ်ကို နိုဝင်ဘာလ ၇ ရက်က ရာထူးမှ ထုတ်ပယ်ခဲ့ပြီး နည်းပြသစ်အဖြစ် ရေပန်းစားသူများတွင် ဂျရတ်နှင့်အတူ ဘယ်လ်ဂျီယံ လက်ရွေးစင်အသင်းနည်းပြ ရောဘတ်တို မာတီနက်ဇ်လည်း ပါဝင်လျက်ရှိသည်။

သို့သော် ဂျရတ်သာ နံပါတ်တစ်ဦးစားပေးဖြစ် ပြီး အက်စတွန်ဗီလာအသင်းက သူ့အား နို ဝင်ဘာလ ၂၀ ရက်တွင်ကစားမည့် ဘရိုက်တန်နှင့် ပရီးမီးယားလိဂ်အိမ်ကွင်းပွဲစဉ်ကို စတင်ကိုင်တွယ်စေရန် အလိုရှိနေသည်။ အက်စတွန်ဗီလာအသင်းပိုင်ရှင်များဖြစ်ကြ သည့် နာဆက်ဖ်ဆာဝီရစ်နှင့် ဝက်စ်အီဒန်၊ အသင်းအမှုဆောင်ချုပ် ခရစ္စတီယန်ပါဆလို တို့သည် ရိန်းဂျားစ်အသင်းတွင် ဂျရတ်၏စွမ်း ဆောင်မှုများကို အထင်ကြီးလျက်ရှိကြောင်း ယင်းသတင်းတွင် ရေးသားခဲ့သည်။

ဂျရတ်သည် ပြီးခဲ့သည့်ရာသီက ရိန်းဂျားစ်အသင်းကို စကော့တလန်ပရီးမီးယားရှစ်ဆုဖလား ရယူပေးခဲ့ပြီး ဆဲလ်တစ်အသင်း၏ ကိုးနှစ်ကြာ လွှမ်းမိုးမှုကို အဆုံးသတ်နိုင်ခဲ့သည်။ လီဗာပူးလ်နှင့် အင်္ဂလန်လက်ရွေးစင်အသင်းခေါင်း ဆောင်ဟောင်းဖြစ်သူ ဂျရတ်သည် ၂၀၁၈ ခုနှစ် မေလတွင် ရိန်းဂျားစ်အသင်းနည်းပြ ဖြစ်လာပြီး စာချုပ်သက်တမ်းမှာ ၂၀၂၄ ခုနှစ် အထိ ကျန်ရှိနေသေးသော်လည်း ဗီလာအသင်းဘက်မှ ကမ်းလှမ်းမှုကို စိတ်ဝင်စားနေကြောင်း သိရသည်။