လာမည့် ယူရို-၂၀၂၈ သို့မဟုတ် ၂၀၃၂ ပြိုင်ပွဲတွင် အီတလီနိုင်ငံအနေဖြင့် အိမ်ရှင်အဖြစ် ဝင်ရောက်ရွေးချယ်ခံသွားမည်ဟု အီတလီဘောလုံးအဖွဲ့ချုပ်(FIGC) ဥက္ကဋ္ဌဖြစ်သူ ဂရာဗီနာက ပြောကြားခဲ့သည်။
FIGC သည် အစောပိုင်းက ယူရို- ၂၀၂၈ ပြိုင်ပွဲနှင့် ၂၀၃၀ ကမ္ဘာ့ဖလားပြိုင်ပွဲများတွင် ဝင်ရောက်ရွေးချယ်ခံရန် စီစဉ်ထားသော်လည်း ဘတ်ဂျက်အခြေအနေကြောင့် နောက်ပိုင်းတွင် ယူရိုပြိုင်ပွဲ(၂)ကြိမ်သာ ဝင်ရောက်ရွေးချယ်ခံရန် ဆုံးဖြတ်ခဲ့ခြင်းဖြစ်ကြောင်း သိရသည်။
ယူရို-၂၀၂၈ နှင့် ၂၀၃၂ ပြိုင်ပွဲများအတွက် အိမ်ရှင်နိုင်ငံလျှောက်ထားမှုကို လာမည့်မတ်လတွင် UFEA အမှုဆောင်ကော်မတီထံ တရားဝင်တင်သွင်းရမည်ဖြစ်သည်။
ယူရို-၂၀၂၈ အိမ်ရှင်အဖြစ် အင်္ဂလန်၊ မြောက်အိုင်ယာလန်၊ ဝေးလ်စ်၊ စကော့တလန်နှင့် အိုင်ယာလန်တို့က ပူးတွဲအိမ်ရှင်အဖြစ် လျှောက်ထားမည်ဖြစ်သည်။
