မန်ချက်စတာ ယူနိုက်တက် အသင်းရဲ့ တိုက်စစ်မှူးဟောင်း ဖြစ်သူ ဒီမစ်တာ ဘာဘာတော့ဗ်က အသင်းရဲ့ တိုက်စစ်မှာ မာရှယ် ၊ ရပ်ရှ်ဖို့ တို့နဲ့ အတူ နွေတုန်းက ရောက်လာခဲ့တဲ့ တိုက်စစ်မှူးသစ် ကာဗာနီ ကိုပါ ပူးတွဲ မြင်တွေ့ လိုကြောင်း ထုတ်ဖော် ပြောကြား သွားခဲ့လိုက် ပါတယ် ။
မန်ချက်စတာ ယူနိုက်တက် အသင်းဟာ 2020 – 21 ဘောလုံး ရာသီမှာ ပုံစံကောင်း တွေကို ပြသ နိုင်ဖို့ အတွက် ရုန်းကန် နေခဲ့ရ ပါတယ် ။ ဒီလို အနေအထား တစ်ရပ်မှာ နည်းပြ ဆိုးလ်ရှား ကလည်း ခြားနားတဲ့ နည်းစနစ် တွေကို မကြာခန အသုံးပြု သွားခဲ့ပေမယ့် ထင်သလောက် အလုပ် မဖြစ်ခဲ့ ပါဘူး ။
အခြား တစ်ဖက် မှာတော့ ယူနိုက်တက် တို့ဟာ တိုက်စစ်မှူး အန်သိုနီ မာရှယ် အတွက် အပြိုင်အဆိုင် ဖြစ်စေ နိုင်ဖို့ အသင်း လက်မဲ့ ဖြစ်နေခဲ့တဲ့ ဥရုဂွေး လက်ရွေးစင် ကာဗာနီကို ခေါ်ယူ အင်အား ဖြည့်တင်း ထားခဲ့ ပါတယ် ။ ဒါပေမယ့် အခု အထိတော့ ကာဗာနီဟာ ပွဲကစားခွင့် မိနစ်တွေ နည်းပါး နေခဲ့ရ ပါတယ် ။
ဒါပေမယ့် သူဟာ ပွဲကစားခွင့် ရရှိတဲ့ မိနစ် အချို့မှာ ကောင်းမွန်တဲ့ ဘောလုံး ထိချက် တွေကို လုပ်ဆောင် ထားနိုင် ခဲ့ပြီး ဆိုးလ်ရှား အတွက် အရေးကြီး ခဲ့တဲ့ အဲဗာတန် အသင်း နဲ့ ပွဲစဉ်မှာလည်း ယူနိုက်တက် ကစားသမား ဘဝရဲ့ ပထမဆုံး သွင်းဂိုးကို သွင်းယူ သွားနိုင်ခဲ့ ပါတယ် ။
အခြား တစ်ဖက်မှာတော့ သူဟာ လက်ရွေးစင် အသင်း အတွက်လည်း ပုံစံကောင်း အချို့ကို ပြသ ထားနိုင်ခဲ့ ပါတယ် ။ အခုတော့ ယူနိုက်တက်တို့ ဥရုဂွေး လက်ရွေးစင် အသင်း နဲ့ ရင်ဆိုင် ရမယ့် ပွဲစဉ်မှာ ကာဗာနီဟာ မန်ချက်စတာ ယူနိုက်တက် အသင်း အတွက် ပွဲထွက် ကစားခွင့် ရနိုင်ခြေ ရှိနေခဲ့ ပါတယ် ။
အဆိုပါ ပွဲစဉ် မတိုင်မီမှာတော့ ယူနိုက်တက် တိုက်စစ်မှူးဟောင်း ဘာဘာတော့ဗ်က ဥရုဂွေး လက်ရွေးစင်ကို အသင်းရဲ့ တိုက်စစ် ကစားသမား နှစ်ဦး ဖြစ်သူ မာရှယ် ၊ ရပ်ရှ်ဖို့ တို့နဲ့ အတူ တွဲဖက် ကစားတာကို မြင်တွေ့ လိုကြောင်း ထုတ်ဖော် ပြောကြား သွားခဲ့လိုက် ပါတယ် ။
” ကျွန်တော်ကတော့ ကြီးမားတဲ့ ဥရုဂွေးသားကို ယူနိုက်တက် အတွက် ဂိုးတွေ ပိုပြီး သွင်းစေချင် ပါတယ် ။ သူဟာ အဲဗာတန် နဲ့ ကစား ခဲ့တဲ့ ပွဲစဉ်မှာ အသင်း အတွက် ပထမဆုံး ဂိုးကို သွင်းယူ ပေးခဲ့တယ် လေ ။ ဒါပေမယ့် ဂိုး အများကြီး သွင်းဖို့ အတွက် သူဟာ ပွဲကစားချိန် အများကြီး ရဖို့ လိုအပ် ပါတယ် ”
” ကျွန်တော် ကတော့ အထောင် တိုက်စစ် နေရာမှာ ကာဗာနီ ကစားတာကို မြင်တွေ့ချင် ပါတယ် ။ ပြီးတော့ မာရှယ်က ဘယ် တောင်ပံ ကစားပြီး ရပ်ရှ်ဖို့ က ညာ တောင်ပံ တိုက်စစ် နေရာမှာ ကစားပေးတာမျိုးပေါ့ ဗျာ ။ ကာဗာနီဟာ ယူနိုက်တက် အသင်းဆီ စတင် ရောက်ရှိ ကတည်းက ကောင်းမွန်တဲ့ အရာ အချို့ကို လုပ်ဆောင် ပြနိုင်ခဲ့ ပါတယ် ”
” သူ့ရဲ့ ခန္ဓာကိုယ် လှုပ်ရှားမှု တွေနဲ့ ပြေးလွှားပုံ တွေက ကောင်းမွန်ခဲ့ ပါတယ် ။ သူဟာ 33 နှစ် ရှိနေပြီ ဖြစ်ပေမယ့် ပုံစံကောင်း တွေကို ပိုင်ဆိုင် နေဆဲ ပါပဲ ။ အကယ်လို့ လူငယ်တွေက သူ့ကို ဝန်းရံ ကစားပေးမယ် ဆိုရင် သူဟာ ယူနိုက်တက် အသင်း အတွက် ထူးကဲ တောက်ပ လာနိုင်ပါ လိမ့်မယ် ”
” စနေ နေ့မှာ ရုန်းကန် နေခဲ့ ရတဲ့ ဝက်စ်ဘရွန်း အသင်း နဲ့ ရင်ဆိုင် ရမယ့် အနေအထားမျိုးက ဆိုးလ်ရှား အတွက် ကာဗာနီကို ပွဲထုတ် ကစားဖို့ အကောင်းဆုံး အခွင့်အရေး ရရှိ လိမ့်မယ် လို့ ကျွန်တော် ထင်ပါတယ် ” လို့ ဘာဘာတော့ဗ် က သုံးသပ် ပြောကြား သွားခဲ့လိုက် ပါတယ် ။
