ဝေးလ်စ် – ဘူလ်ဂေးရီးယား (မြန်မာစံတော်ချိန် စက်တင်ဘာ ၆ ရက်၊ ည ၇:၃၀ နာရီ)
ဘူလ်ဂေးရီးယားရဲ့လက်ရှိခြေစွမ်းနဲ့ လူစာရင်းက ဝေးလ်စ်ကို ယှဉ်နိုင်ဖို့ ခက်ပါတယ်။ အဓိကကစားသမားအစုံအလင်နဲ့ ပွဲထွက်လာမယ့် ဝေးလ်စ်အတွက် နိုင်ပွဲရဖို့မခက်တဲ့ ပွဲပါ။ ဂိုးပြတ်၊ မပြတ်ပဲ စောင့်ကြည့်ရမယ်။
ဟန်ဂေရီ – ရုရှား (မြန်မာစံတော်ချိန် စက်တင်ဘာ ၆ ရက်၊ ည ၁၀:၃၀ နာရီ)
ဒီအုပ်စုမှာ ပါဝင်တဲ့အသင်းတွေရဲ့ခြေစွမ်းက သိပ်မကွာပေမယ့် ရုရှားက တခြားအသင်းတွေထက် ပိုအားကောင်းပါ တယ်။ လက်ရှိ ဟန်ဂေရီကလည်း ခံစစ်ကလွဲပြီး ကျန်တာအား ရစရာမရှိပါဘူး။ ရုရှားပဲ နိုင်ပွဲယူလိမ့်မယ်။
အိုင်ယာလန် – ဖင်လန် (မြန်မာစံတော်ချိန် စက်တင်ဘာ ၆ ရက်၊ ည ၁၀:၃၀ နာရီ)
အိုင်ယာလန်လို မာကျောပြီး အင်အားတောင့်တင်းတဲ့ အသင်းတစ်သင်းကို အဝေးကွင်းမှာ လာကစားရမယ့် ဖင်လန် ယှဉ်ကစားနိုင်ဖို့ မလွယ်ပါဘူး။ အိုင်ယာလန် နိုင်ပွဲရဖို့ရှိပြီး ဂိုးပြတ်၊ မပြတ်တော့ စဉ်းစားရမယ်။
စပိန် – ယူကရိန်း (မြန်မာစံတော်ချိန် စက်တင်ဘာ ၇ ရက်၊ နံနက် ၁:၁၅ နာရီ)
ဂျာမနီနဲ့ ပွဲကျပ်ကစားပြီးနောက် စပိန်က အိမ်ကွင်းမှာ ယူကရိန်းကိုလက်ခံကစားရမှာဖြစ်တယ်။ ယူကရိန်းက ရှက်ဗ်ချင်ကိုလက်ထက်မှာ ပိုအားကောင်းလာတာ သိသာပါတယ်။ ဒါပေမဲ့ မက်ဒရစ်မြေမှာတော့ စပိန်ကို ယှဉ်ကစားနိုင်ဖို့ မလွယ်ပါဘူး။ စပိန် ဂိုးမပြတ်ဘဲအနိုင်ရလိမ့်မယ်။
ဆွစ်ဇာလန် – ဂျာမနီ (မြန်မာစံတော်ချိန် စက်တင်ဘာ ၇ ရက်၊ နံနက် ၁:၁၅ နာရီ)
ဆွစ်ဇာလန်ရဲ့ စုစည်းမှု၊ ဟန်ချက်ညီမှုကို ဂျာမနီ ခက်ခက်ခဲခဲ ကျော်ဖြတ်ရနိုင်တယ်။ ကစားသမားကောင်းတွေနဲ့ ဖွဲ့စည်းထားပေမယ့် စုစည်းမှုအပိုင်းမှာ ဆွစ်ဇာလန်က ဂျာမနီကို ကောင်းကောင်းယှဉ်နိုင်ပါတယ်။ ဂျာမနီ အသာရနိုင်ပေမယ့် သရေလည်းဖြစ်သွားနိုင်တယ်။
ဆားဘီးယား – တူရကီ (မြန်မာစံတော်ချိန် စက်တင်ဘာ ၇ ရက်၊ နံနက် ၁:၁၅ နာရီ)
ခြေသိပ်မကွာတဲ့အသင်းနှစ်သင်းဖြစ်ပြီး၊ အရည်အသွေးမြင့်ကစားသမားတွေနဲ့ စုဖွဲ့ထားပါတယ်။ ဆားဘီးယားက ကွင်းလယ်နဲ့ တိုက်စစ်မှာ အားကောင်းတဲ့အသင်းဖြစ်ပြီး မထင်မှတ်ဘဲ ခြေချော်တာတွေဖြစ်တတ်တယ်။ သရေကျနိုင်တယ်။
ကိုဆိုဗို – ဂရိ (မြန်မာစံတော်ချိန် စက်တင်ဘာ ၇ ရက်၊ နံနက် ၁:၁၅ နာရီ)
ကိုဆိုဗိုက အသင်းကောင်းတစ်သင်းပါ။ ဒါပေမဲ့ နောက်ပိုင်းကာလတွေမှာ ဂရိက သိသိသာသာတိုးတက်လာတာ တွေ့ရတယ်။ လက်ရှိအနေအထားအရတော့ ရလဒ်ပိုင်းပိုကောင်းနေတဲ့ ဂရိကို ပိုကြိုက်တယ်။
မော်လ်တာ – လတ်ဗီးယား (မြန်မာစံတော်ချိန် စက်တင်ဘာ ၇ ရက်၊ နံနက် ၁:၁၅ နာရီ)
အသင်းငယ်အချင်းချင်း ကစားကြမယ့်ပွဲပါ။ ဥရောပရဲ့အားအနည်းဆုံး အသင်းတွေထဲမှာ မော်လ်တာက အားကောင်းတဲ့အသင်းလို့လည်း ပြောလို့ရပါတယ်။ လတ်ဗီးယားက အများကြီး ထိုးကျသွားပါပြီ။ မော်လ်တာကိုပဲ ကြိုက်တယ်။
*အန်ဒိုရာ – ဖာရိုးကျွန်းစုများ (မြန်မာစံတော်ချိန် စက်တင်ဘာ ၆ ရက်၊ ည ၇:၃၀ နာရီ)
*ဆလိုဗေးနီးယား – မော်လ်ဒိုဗာ (မြန်မာစံတော်ချိန် စက်တင်ဘာ ၆ ရက်၊ ည ၁၀:၃၀ နာရီ)
(*ပြထားသည့်အသင်းများမှာ အယ်ဒီတာအကြိုက်ရွေးချယ်ထားခြင်းဖြစ်သည်)
