မိမိ၏အသင်းသည် ပွဲတစ်ပွဲအား မည်သို့အပြီးသတ်ရမည်ဆိုသည်ကို မသိကြောင်းနှင့် ခံစစ်တွင် ထိုင်မကစားရန် မှာကြားခဲ့သည်ဟု မော်ရင်ဟို ဆို

စပါးအသင်းနည်းပြ မော်ရင်ဟိုက မိမိ၏အသင်းသည် ပွဲတစ်ပွဲကို မည်သို့အပြီးသတ်ရမည်ကို မသိကြောင်းနှင့် ခံစစ်တွင် ထိုင်မကစားရန်အတွက် မှာကြားခဲ့သည်ကိုလည်း လိုက်နာခဲ့ခြင်းမရှိကြောင်း ပြောကြားခဲ့သည်။

စပါးအသင်းသည် ဝုလ်ဗ်နှင့်ပွဲတွင် ပွဲချိန်တစ်မိနစ်ကတည်းက သွင်းယူခဲ့သည့် အန်ဒွန်ဘီလီ၏သွင်းဂိုးဖြင့် ဦးဆောင်ခဲ့သော်လည်း ပွဲပြီးရန်မိနစ်ပိုင်းအလိုတွင် ဝုလ်ဗ်အသင်း၏ ချေပ ဂိုးသွင်းယူခြင်းကို ခံခဲ့ရသည်။

မော်ရင်ဟိုက ”ကျွန်တော်တို့အသင်းက သရေတစ်မှတ်ထက်ပိုပြီး ထိုက်တန်ရဲ့လားဆိုတာတောင် ကျွန်တော် မသိတော့ပါဘူး။ ကျွန်တော်တို့က ပွဲချိန်အစောပိုင်းမှာကတည်းက အဖွင့်ဂိုးနဲ့ အတူ အခြေအနေကောင်းကို ပိုင်ဆိုင်ခဲ့တယ်။ ပွဲကို ထိန်းချုပ်နိုင်ခဲ့တယ်။ ပြီးတော့ ထောင့်ကန်ဘောကနေ ချေပဂိုး ပြန်ပေးခဲ့ရတယ်။ ကျွန်တော်တို့က ဂိုးတွေပိုရသင့်ပေမဲ့ မလုပ်နိုင်ခဲ့ဘူး။ ဒါဟာ အရမ်းစိတ်ပျက်စရာပါ။ လီဗာပူးလ်နဲ့ပွဲတုန်းကလိုပဲ ပြိုင်ဘက်အသင်းရဲ့ အန္တရာယ်အရှိဆုံးကစားသမားတွေကို ထိန်းချုပ်နိုင်ခဲ့ပြီးတော့ Set-piece ကနေ ဂိုးပေးခဲ့ရတယ်။ အန်ဒွန်ဘီလီက လုံလောက်တဲ့စွမ်းအင်ရှိတဲ့အချိန်အတွင်းမှာ အကောင်းဆုံးကစားနိုင်ခဲ့ပါတယ်။ ကျွန်တော့်ကစားသမားတွေကို နောက်မှာ ထိုင်မကစားဖို့မှာခဲ့ပေမဲ့ သူတို့ မလိုက်နာခဲ့ကြဘူး။ ရယ်ဂီလွန်အစား ဘာ့ဂ်ဝင်းချ်ကို ထည့်ခဲ့တယ်။ ပင်ပန်းနေတဲ့ ဆွန်အစား လာမယ်လာကို ထည့်ခဲ့တာက ဂိုးတွေထပ်သွင်းနိုင်ဖို့ပါ။ ခံစစ်မှာ ထိုင် ကစားတာက ရည်ရွယ်ချက် မဟုတ်ပါဘူး။ ပြီးတော့ ကျွန်တော့်ကစားသမားတွေက ပွဲတစ်ပွဲကို ဘယ်လိုအပြီးသတ်ရမလဲဆိုတာ မသိခဲ့ကြပါဘူး”ဟု ပြောကြားခဲ့သည်။