မန်ယူအသင်းနှင့် စာချုပ်သက်တမ်းကုန်ဆုံးပြီး နော်တင်ဟမ်ဖောရက်စ်အသင်းသို့ ပြောင်းရွှေ့ခဲ့သည့် အင်္ဂလန်တိုက်စစ်ကစားသမား လင်ဂတ်က နော်တင်ဟမ်အသင်းသည် မိမိ၏ ပရီးမီးယားလိဂ်အတွေ့အကြုံများကို လိုအပ်သည်ဟု ပြောကြားခဲ့သည်။
လင်ဂတ်က “ဒီအသင်းမှာ ပရီးမီးယားလိဂ်ကို လုံးဝမကစားဖူးတဲ့ လူငယ်ကစားသမားတွေ အများကြီးရှိနေပါတယ်။ ကျွန်တော်က သူတို့ကို လမ်းပြပေးနိုင်မယ့်သူပါ”ဟု ပြောကြားခဲ့သည်။
လင်ဂတ်သည် ပရီးမီးယားလိဂ်ပွဲပေါင်း (၁၅၀)ကျော် ကစားထားသည့် အတွေ့အကြုံရင့်ကျက်သူတစ်ဦးဖြစ်သည်။
နော်တင်ဟမ်အသင်းသည် ယနေ့ညတွင် ပရီးမီးယားလိဂ်ပွဲစဉ်အဖြစ် နယူးကာဆယ်အသင်းနှင့် အဝေးကွင်းတွင် ကစားရမည်ဖြစ်သည်။
