ဒါဘီအသင်း၏ နည်းပြ ၀ိန်းရွန်နီက ယခုရာသီ ပရီးမီးယားလိဂ်ချန်ပီယံဆုကို မန်ယူအသင်း ရရှိရန် မျှော်လင့်သည်ဟု ထုတ်ဖော်ပြောကြားခဲ့သည်။
ရွန်နီက”ပြီးခဲ့တဲ့ နှစ်တွေမှာ မန်ယူအသင်းက ချန်ပီယံဆုကို စိန်ခေါ်ဖို့ အသင့်မဖြစ်ခဲ့ပါဘူး။ ဒါပေမဲ့ အခုတော့ ဖာနန်ဒက်စ်၊ ကာဗာနီတို့လို အောင်နိုင်လိုစိတ်ရှိတဲ့ ကစားသမားသစ်တွေကို ခေါ်ယူနိုင်ခဲ့ပြီး ဒါဟာ အသင်းအတွက် ကြီးမားတဲ့အကူအညီဖြစ်စေမှာပါ။ လက်ရှိအသင်းက ပရီးမီးယားလိဂ်ချန်ပီယံဆုကို ရယူနိုင်စွမ်းရှိနေပြီလို့ ထင်ပါတယ်” ဟု ပြောကြားခဲ့သည်။
ရွွန်နီသည် မန်ယူအသင်းနှင့်အတူ(၁၃)ရာသီ ကစားခဲ့ပြီး ပရီးမီးယားလိဂ်ပွဲစဉ် စုစုပေါင်း ၃၉၃ ပွဲကစားခဲ့ကာ ၁၈၃ ဂိုးသွင်းယူနိုင်ခဲ့ပြီး ပရီးမီးယားလိဂ်ချန်ပီယံဆု(၅)ကြိမ် ရယူနိုင်ခဲ့သည်။
