မန်ယူအသင်း၏ ရာသီကုန်ဆုချီးမြှင့်ပွဲ အခန်းအနားတွင် ရက်ရှ်ဖို့သည် အသင်း၏တစ်နှစ်တာ အကောင်းဆုံး ဘောလုံးသမားဆုကို ရရှိခဲ့သည်။ မန်ယူသည် လာမည့်စနေနေ့တွင် မန်စီးတီးနှင့် အက်ဖ်အေဖလားဗိုလ်လုပွဲကစားရန်ရှိသည်။
ရက်ရှ်ဖို့သည် လက်ရှိဘောလုံးရာသီတွင် မန်ယူအတွက် ၅၅ ပွဲကစားပြီး ဂိုးပေါင်း ၃၀ ကို သွင်းယူပေးထားနိုင်သည်။ ရက်ရှ်ဖို့သည် ပြီးခဲ့သည့်ဘောလုံးရာသီနှစ်ခုခန့်တွင် ရုန်းကန်ခဲ့ရပြီးနောက် တန်းဟက်လက်ထက်တွင် ခြေစွမ်းကောင်းပြန်လည်ရရှိလာပြီး ယခုကဲ့သို့ အကောင်းဆုံးဘောလုံးသမာဆုကို တနင်္လာနေ့ညက ရရှိခဲ့ခြင်းဖြစ်သည်။
ရက်ရှ်ဖို့သည် လာမည့်စနေနေ့တွင် ကစားရမည့် အက်ဖ်အေဖလားဗိုလ်လုပွဲတွင် မန်ယူအသင်းအတွက် အဓိက လက်နက်ဖြစ်လာဖွယ်ရှိနေသည်။ ရက်ရှ်ဖို့သည် မန်ယူအကယ်ဒမီထွက်ကစားသမားဖြစ်ပြီး ၎င်း၏ မန်ယူကစားသမားဘဝသက်တမ်းတလျှောက်တွင် စီနီယာအသင်းကြီးအတွက် ၁၂၃ ဂိုးသွင်းယူပေးထားသည်။ ရက်ရှ်ဖို့သည် ဆောက်ဂိတ်၏အင်္ဂလန်အသင်းတွင်လည်း ခြေစွမ်းပြနေပြီး ပြီးခဲ့သည့်ကမ္ဘာ့ဖလားတွင် အသင်းအတွက် သုံးဂိုးသွင်းထားနိုင်သည်။
ယူရိုပါလိဂ်တွင် ဘာစီလိုနာအသင်းဘက်သို့ သွင်းယူခဲ့သောဂိုးဖြင့် ဘရာဇီးတိုက်စစ်မှူး အန်ထော်နီသည် ယခုဘောလုံးရာသီ မန်ယူအသင်းအတွက် အကောင်းဆုံးသွင်းဂိုးဆုကို ဆွတ်ခူးနိုင်ခဲ့သည်။
