PSG အသင်းသည် လာမည့်နွေတွင် မန်ယူအသင်းမှထွက်ခွာဖွယ်ရှိနေသည့် ပြင်သစ်ကွင်းလယ်လူ ပေါ့ဘာကို ကမ်းလှမ်းရန် စီစဉ်နေကြောင်း ပြင်သစ်မီဒီယာများက ဖော်ပြခဲ့သည်။
ပေါ့ဘာ (၂၉ နှစ်)သည် ယခုရာသီကုန်တွင် မန်ယူအသင်းနှင့် စာချုပ်သက်တမ်းကုန်ဆုံးမည်ဖြစ်ပြီး အနာဂတ်နှင့်ပတ်သက်၍ မဆုံးဖြတ်ရသေးကြောင်း ပြောကြားထားသည်။
သို့သော် ပေါ့ဘာအနေဖြင့် လာမည့်နွေတွင် မန်ယူအသင်းမှ ထွက်ခွာရန်သေချာသလောက်ရှိကြောင်း မီဒီယာများက ဖော်ပြနေကြသည်။
PSG အသင်းသည် ပေါ့ဘာကို တစ်ပတ်လစာ ပေါင် (၅)သိန်းဖြင့် ကမ်းလှမ်းရန် စီစဉ်နေခြင်းဖြစ်ကြောင်း သိရှိရသည်။
