ဗြိတိန်မီဒီယာ Daily Mail က မန်စီးတီးအသင်း၏ ကစားသမားသစ် ဟော်လန်းသည် ကျောနံပါတ်(၉)ဝတ်ဆင်မည် ဖြစ်ကြောင်း ဖော်ပြခဲ့သည်။
မန်စီးတီးအသင်းသည် ဟော်လန်းကို ဒေါ့မွန်အသင်းထံမှ ပေါင်(၅၁)သန်းဖြင့် ခေါ်ယူခဲ့ပြီး ဝတ်ဆင်ရမည့် ကျောနံပါတ်ကို အတည်ပြုထုတ်ပြန်ရခြင်းမရှိသေးပေ။
သို့သော် ဟော်လန်းသည် အားလပ်ရက်အပန်းဖြေခရီးစဉ်အတွင်း ပရိသတ်တစ်ဦးကို ၎င်းင်း၏အမည်ပါ မန်စီးတီးဝတ်စုံအား လက်မှတ်ရေးထိုးပေးရာ၌ နံပါတ်(၉)ကိုလည်း မြင်တွေ့ရသည့်အတွက် Daily Mail က ဟော်လန်းအနေဖြင့် နံပါတ်(၉)ဝတ်ဆင်မည်ဟု ဖော်ပြခဲ့ခြင်းဖြစ်သည်။
ယခင်က မန်စီးတီးအသင်းတွင် နံပါတ်(၉)ဝတ်ခဲ့သည့် ဂျေးဇူးမှာလည်း အာဆင်နယ်အသင်းသို့ ပြောင်းရွှေ့ခဲ့ပြီဖြစ်သဖြင့် ယင်းနံပတ်မှာ လစ်လပ်လျက်ရှိနေပြီး ဟော်လန်းအနေဖြင့် ဒေါ့မွန်အသင်းတွင် ဝတ်ဆင်ခဲ့သည့် ကျောနံပါတ် (၉) ကို ဝတ်ဆင်မည်ဖြစ်သည်။
