အာဂျင်တီးနား လက်ရွေးစင် အသင်း နည်းပြ စကာလိုနီ ဟာ လီယွန်နယ် မက်ဆီ ရဲ့ ကစား တဲ့ နေရာ နဲ့ ပတ်သက်ပြီး ဘာစီလိုနာ နည်းပြ ရော်နယ်ကိုးမန်း နဲ့ မမြင် မတူညီ ကြောင်းထုတ်ဖော် ပြောဆို သွားခဲ့ ပါတယ် ။ စကာလိုနီ က မက်ဆီ ဟာ သူ့ရဲ့ အသင်း မှာ ကွင်းလယ် တိုက်စစ်မှူး အဖြစ် နဲ့ ရှိနေ မှာ ဖြစ်ကြောင်း နဲ့ ရော်နယ် ကိုးမန်း အသုံးပြု သလိုမျိုး False 9 အဖြစ် ကစား ခိုင်းဖို့ အစီအစဉ် မရှိ ကြောင်း လည်း ပြောဆို သွားခဲ့ ပါတယ် ။
ရော်နယ် ကိုးမန်း ဟာ ပြီးခဲ့တဲ့ တနင်္ဂနွေ နေ့က ဘာစီလိုနာ နည်းပြ အဖြစ် နဲ့ပထမဆုံးလာလီဂါ ပွဲစဉ် ကို ကိုင်တွယ် ခဲ့ရ ပါတယ် ။ ဗီလာရီးရဲ အသင်း ကို၄-၀နဲ့အနိုင်ရခဲ့တဲ့အဲ့ဒိပွဲမှာကိုးမန်းဟာ မက်ဆီ ကို False 9 အဖြစ်နဲ့ ကစား သွားခဲ့ ပါတယ် ။
ဘာစီလိုနာ ဟာ အဓိက တိုက်စစ်မှူး လူးဝစ် ဆွာရက် ကို အက်သလက်တီကို မက်ဒရစ် ထံ ပြောင်းရွှေ့ စေခဲ့ ပြီး အစားထိုး တိုက်စစ်မှူး ပြန်လည် ခေါ်ယူ ထားခြင်း မရှိ သေးတာကြောင့် လူငယ် တိုက်စစ်မှူးလေး အန်ဆု ဖာတီ ကို ဗီလာ ရီးရဲ နဲ့ ပွဲမှာ ထည့်သွင်း ကစားခဲ့ ပါတယ် ။
ရော်နယ် ကိုးမန်း ဟာ ဂရစ်ဇ်မန်း ၊ ကော်တင်ဟို နဲ့ အန်ဆု ဖာတီ တို့၃ဦးကိုကွင်းလယ်တိုက်စစ် ပုံစံ နဲ့ နေရာ ချ ခဲ့ပြီး မက်ဆီ ကို တိုက်စစ်မြားဦး မှာ False 9 ပုံစံမျိုးနဲ့ ကစား သွားခဲ့ ပါတယ် ။ အဆိုပါ ပွဲမှာ လူငယ်လေး ဖာတီ က ခြေစွမ်းပြ ၂ ဂိုးသွင်း ကာ သူရဲကောင်း ဖြစ်ခဲ့ ပါတယ် ။
စကာလိုနီ ဟာ လာမယ့် အောက်တိုဘာ လ အတွင်းမှာ ကစားမယ့် အာဂျင်တီးနား အသင်းရဲ့ ကမ္ဘာ့ ဖလား ခြေစစ်ပွဲစဉ် တွေ အတွက် မက်ဆီ ကို ဆင့်ခေါ် ထားပြီး အသင်း ခေါင်းဆောင် အဖြစ် ဆက်လက် တာဝန် ပေးဖို့ ရှိနေ ပါတယ် ။ စကာလိုနီ ကတော့ မက်ဆီ ဟာ သူ့အတွက် ဂိုးဖန်တီးသူ ၊ ကွင်းလယ် တိုက်စစ်မှူး အဖြစ် နဲ့သာ ရှိနေ မှာ ဖြစ်ပြီး False 9 ပုံစံ နဲ့ အသုံးပြု ဖို့ အစီအစဉ် မရှိကြောင်း ပြောဆို သွားခဲ့ ပါတယ် ။
“မက်ဆီ ဘောလုံး ရလာတဲ့ အချိန်မှာ သူ့ရှေ့ မှာ ကစား သမားတွေ ရှိနေ မယ် ဆိုတဲ့ အယူအဆ နဲ့ပဲ ကျွန်တော်တို့ ကစား မှာပါ ။ ဒီလိုပုံစံမျိုးနဲ့ပဲ၂၀၁၉ကိုပါတုန်းကကစားခဲ့တာပါ။အဆင်လည်း ပြေခဲ့ ပါတယ်”
“မက်ဆီ ရဲ့ ဖန်တီး နိုင်စွမ်းက တကယ့်ကို အံ့မခန်းပါ ။ ဒါကြောင့် သူ ဘောလုံး ရလာတဲ့ အချိန် မှာ ကစား သမားတွေ သူ့ ရှေ့မှာ ရှိနေဖို့ လိုပါတယ် ။ ဒါမှ သူ့ရဲ့ ဖန်တီးမှုတွေကိုကောင်းကောင်း အသုံးချ နိုင် မှာပါ” လို့ စကာလိုနီ က ပြောဆို သွားခဲ့ ပါတယ် ။ ဆက်လက်ပြီး စကာလိုနီ က မက်ဆီ ၊ အော့တာမန်ဒီ တို့ကို ရွေးပြီး သူ့ကို မရွေးချယ် ခဲ့တာကြောင့် ဝေဖန် ခဲ့တဲ့ ဒီမာရီယာ ကိုလည်း တုန့်ပြန် ပြောဆို သွားခဲ့ ပါတယ် ။
“မက်ဆီ က ကျွန်တော်တို့ ရဲ့ ခြေစစ်ပွဲ ၂ ပွဲ အတွက် ကစား ပေးမှာပါ ။ သူ သာ ကြံ့ခိုင်ပြီးကစား နိုင်မယ် ဆိုရင် သူ့ဆီ က အကောင်းဆုံး ခြေစွမ်းတွေ ကို ဘာကြောင့် အသုံးမချဘဲ ထားရ မှာလဲ ၊ သူက ကျွန်တော်တို့ အတွက် အရေးပါတဲ့ ကစား သမားပါ”
“ဒီမာရီယာ ဒေါသထွက် တာ နဲ့ ပတ်သက်လို့တော့ကျွန်တော်ဘာမှမပူပင်မိပါဘူး။သူ့ရဲ့စိတ်ဆန္ဒ ပြင်းပြမှု ကို ကျွန်တော် လေးစား ပါတယ် ။ ဒါပေမယ့် ကိုပါ ပြီးတဲ့ နောက်မှာ အသင်းက သူ မပါဘဲ ကောင်းကောင်း ကစား နိုင်ခဲ့ ပါတယ် ။ ဒါကြောင့် သူ့ကို ချန်ထား ဖို့ ဆုံးဖြတ် ခဲ့တာပါ”
“သူ ဒီ တစ်ခေါက် အတွက် မပါ ပါဘူး ။ ဒါပေမယ့် ဒါက သူ့ကို လက်ရွေးစင် ကနေ ဖယ်လိုက်ပြီ ဆိုတဲ့ သဘောမှ မဟုတ်တာ ၊ သူ နောက်ကျ ရင် ပြန်ပါ လာချင်ပါလာနိုင်ပါတယ်”လို့စကာလိုနီ က ပြောဆို သွားခဲ့ ပါတယ် ။
