ချီလီစတားဟောင်းမာဒိုနက်စ်ကအာဂျင်တီးနားအသင်းဒီပေါလ်ကိုရွေးချယ်နေတာဟာမက်ဆီရဲ့သူငယ်ချင်းဖြစ်တာကြောင့်လို့ ပြောကြားလိုက်ပါတယ်။
အက်သလက်တီကိုကွင်းလယ်လူဟာ မက်ဆီမပါဝင်နိုင်ချိန်မှာသူ့နေရာကို အစားဝင်နေတာဖြစ်ပါတယ်။ ဒီပေါလ်ဟာအာဂျင်တီးနားအသင်းအတွက် ပွဲပေါင်း ၇၀ အထိ ပါဝင်ကစားပေးထားပြီး စိန်ခေါ်မှုတွေကိုလက်ခံခဲ့တာဖြစ်ပါတယ်။
ကိုပါအမေရိကဖလား ၂ ကြိမ်ရယူနိုင်ခဲ့ရာမှာ ပါဝင်ခဲ့တဲ့ ဒီပေါလ်အနေနဲ့ မက်ဆီလိုမျိုးကွင်းလယ်မှာ ပါဝင်ကစားခဲ့တာဖြစ်ပါတယ်။
ဒါပေမယ့်လည်းမာဒိုနက်စ်ကတော့ ဆိုးဝါးတဲ့ကစားသမားတစ်ဦးလို့ ကင်ပွန်းတပ်ခဲ့ပါတယ်။ ချီလီကို ၃ ဂိုးပြတ်အနိုင်ရခဲ့တဲ့ပွဲအပြီးမှာမာဒိုနက်စ်ကဒီပေါလ်နဲ့ပတ်သက်ပြီး “အဲ့ပွဲမှာမကောင်းတဲ့ကစားသမားတစ်ဦးရှိနေပါတယ်။ အဲ့တာကဒီပေါလ်ပါ။ အာဂျင်တီးနားနဲ့ ချီလီတို့ကန်ခဲ့တဲ့ပွဲမှာသူ့ကိုကြည့်ရတာတော်တော်ဆိုးပါတယ်။
ကျွန်တော် ကွင်းထဲဆင်းပြီးတောင် မင်းကဆိုးဝါးတဲ့ကစားသမားလို့ပြောချင်ပါတယ်။ သူကအလုပ်ကြိုးစားတဲ့ကစားသမားတွေကြောင့် နေရာမရဖြစ်နေတာပါ။ ကျွန်တော်သာဆိုရင် ခင်ဗျားဘောလုံးကစားတာက ဆိုးဝါးလွန်းပါတယ်။
ခင်ဗျားနေရာရနေတာကမက်ဆီရဲ့သူငယ်ချင်းဖြစ်တာကြောင့်လို့ ပြောမှာပါ”လို့ ဖြေကြားခဲ့ပါတယ်။ ဒီပေါလ်ဟာချီလီနဲ့ပွဲမှာမိနစ် ၉၀ ပြည့်ပါဝင်ကစားခဲ့ပြီးမက်ဆီကတော့ ခြေကျင်းဝတ်ဒဏ်ရာကြောင့် အနားယူနေရဆဲဖြစ်ပါတယ်။
